പത്തനംതിട്ട : തുമ്പമണ് ജംഗ്ഷനിലെ തട്ടുകടയില് ഉണ്ടായ തീപ്പിടിത്തത്തില് രണ്ട് ബൈക്കുകളുള്പ്പെടെ കത്തിനശിച്ചു. തമിഴ്നാട് സ്വദേശി സെല്വന്റെ ഉടമസ്ഥതയിലുള്ള എന്എസ്കെ ഹോട്ടലിനാണ് തീപിടിച്ചത്.
പുതിയ ഗ്യാസ് സിലിണ്ടര് കണക്ട് ചെയ്യുമ്പോള് അതില്നിന്നും തീ പടര്ന്നതിനെ തുടര്ന്ന് കടയിലെ ജീവനക്കാര് ഉടന് തന്നെ സിലിണ്ടര് പുറത്തേക്ക് വലിച്ചെറിഞ്ഞു. ഇതോടെ കടയുടെ മുന്ഭാഗത്ത് നിര്ത്തിയിരുന്ന രണ്ട് ബൈക്കുകളിലേക്ക് തീ പടര്ന്നു.
അടൂരില്നിന്നും പത്തനംതിട്ടയില് നിന്നും എത്തിയ അഗ്നിരക്ഷാ യൂണിറ്റാണ് തീ അണച്ചത്.
തട്ടുകടയില് ഭക്ഷണം കഴിക്കാന് എത്തിയവരുടെ ബൈക്കാണ് കത്തി നശിച്ചത്. കട ഭാഗികമായി കത്തിപ്പോയി.
