അമൃതപുരി: രാഷ്ട്രത്തെ നശിപ്പിക്കാന്‍ ശ്രമിക്കുന്നവരാണ് രാമനെയും രാമക്ഷേത്രത്തെയും തകര്‍ക്കാന്‍ ശ്രമിക്കുന്നതെന്ന് ആര്‍എസ്എസ് പ്രാന്തപ്രചാരക് എസ്.സുദര്‍ശന്‍ പറഞ്ഞു. രാമനെ അറിയുക എന്നാല്‍ സനാതന ധര്‍മ്മത്തെ അറിയുക എന്നതാണ്. രാമനില്ലാതെ ഭാരതം ഇല്ല. രാമനെ ഹൃദയത്തിലേറ്റിയ സമൂഹമാണ് നമ്മുടെത്. കാര്യപരിപാടികളില്‍ മാത്രമല്ല നിത്യജീവിതത്തിലും രാമന്റെ ജീവിതം ലയിച്ചു ചേരണമെന്ന് അദ്ദേഹം പറഞ്ഞു.അമൃതപുരിയിൽ രാമക്ഷേത്രം രാഷ്‌ട്രക്ഷേത്രം ജന്മഭൂമി അന്താരാഷ്‌ട്ര സെമിനാറിൽ സംസാരിക്കുകയായിരുന്നു അദ്ദേഹം.
സമര്‍പ്പണത്തിന്റെ പ്രതീകമായ ഭരതനും, ത്യാഗത്തിന്റെ പ്രതീകമായ ലക്ഷ്മണനും, എന്തെല്ലാം പ്രതിസന്ധികള്‍ നേരിട്ടിട്ടും അതിനെ അതിജീവിച്ച സീതയും, സ്ഥിരോത്സാഹത്തിന്റെയും ധീരതയുടെയും പ്രതീകമായ ഹനുമാനും ജടായുവും ഗുഹനുമെല്ലാം ഭാരതം മുന്നോട്ട് വയ്‌ക്കുന്ന ഏകതയുടെ പ്രതീകങ്ങളായി ഇന്നും നിലനില്‍ക്കുന്നു. ഭാരതം ശക്തിപ്പെടുക എന്നാല്‍ രാമതത്വം ശക്തിപ്പെടുക എന്നതാണന്ന് അദ്ദേഹം കൂട്ടിച്ചേര്‍ത്തു.
