ആലുവ : പതിനാറ് ഗ്രാം എം.ഡി.എം.എയുമായി യുവാവ് പോലീസ് പിടിയിൽ. പള്ളിക്കര പറക്കോട് എംബ്ലാശേരി വീട്ടിൽ ജെക്സൻ (29) നെയാണ് കുന്നത്തുനാട് പോലീസ് അറസ്റ്റ് ചെയ്തത്. വൈകീട്ട് വീട്ടിൽ പോലീസ് പരിശോധനക്ക് എത്തിയപ്പോൾ രാസ ലഹരി പോക്കറ്റിലിട്ട് ഓടി രക്ഷപ്പെടാൻ ശ്രമിച്ചു.
പിന്തുടർന്ന പോലീസ് സാഹസികമായി പറക്കോട് പാടത്തിന് സമീപം വച്ച് പിടികൂടുകയായിരുന്നു. ഇയാൾ മോഷണം ഉൾപ്പടെ കേസുകളിൽ പ്രതിയാണ്. ജയിൽവാസം കഴിഞ്ഞ് ഒന്നര മാസം മുമ്പാണ് പുറത്തിറങ്ങിയത്.
ഇൻസ്പെക്ടർ എ .എൽ അഭിലാഷ്, എസ്.ഐമാരായ എം.അഭിജിത്ത്, കെ.വി നിസാർ, എ.എസ് ഐ മാരായ എ. ഐ നാദിർഷ, സൂര്യൻ.ജി, സി പി ഒ മാരായ ബിബിൻ രാജ് ഒ.എസ്, ഷഹാന സലിം , ടി.എം സിറാജ് ,സായോ ആൻ്റണി എന്നിവരാണ് അന്വേഷണ സംഘത്തിലുണ്ടായിരുന്നത്.
