കാസര്കോട്: പീഡന കേസില് കുടുങ്ങിയ രാഹുല് മാങ്കൂട്ടത്തില് എം എല് എയെ വിമര്ശിച്ച് രംഗത്ത് വന്ന യൂത്ത് കോണ്ഗ്രസ് നേതാവ് എംഎ ഷഹനാസ് കള്ളപ്പണ ഇടപാട് നടത്തുന്നതായി ആരോപണം.ഷഹനാസ് കളളപ്പണ ഇടപാട് നടത്തുന്നതായി സംശയമുണ്ടെന്ന് കാട്ടി സംസ്ഥാന പൊലീസ് മേധാവിക്ക് പരാതി നല്കി കാസര്കോട് സ്വദേശിയും കോണ്ഗ്രസ് സജീവ പ്രവര്ത്തകനും സോഷ്യല് മീഡിയ ആക്റ്റിവിസ്റ്റുമായ നിയാസ് മലബാറി.
വിഷയവുമായി ബന്ധപ്പെട്ട തെളിവുകളടക്കം സംസ്ഥാന പൊലീസ് മേധിക്ക് പരാതി നല്കിയതായി നിയാസ് മലബാറി സാമൂഹികമാധ്യമത്തില് പങ്കുവെച്ച പോസ്റ്റില് അറിയിച്ചു.വ്യാജ പേരില് ഷഹനാസ് പല ഐഡി കാര്ഡുകളും കൈവശം സൂക്ഷിക്കുന്നുണ്ട്.പതിവായി വിദേശ യാത്ര നടത്തുന്നതായും നിയാസ് പരാതിയില് പറയുന്നു. ചെറിയൊരു പബ്ലിക്കേഷന് സ്ഥാപനം നടത്തുന്ന ഷഹനാസ് എങ്ങനെയാണ് ഇത്രയേറെ വിദേശയാത്രകള് നടത്തുന്നതെന്നും ഇതിനുപിന്നില് കള്ളപ്പണ ഇടപാടുണ്ടോ എന്ന് സംശയമുണ്ടെന്നും പരാതിയിലുണ്ട്.
പല പേരുകളിലുള്ള ഐഡി കാര്ഡുകളുടെ നമ്പറുകളും വിശദാംശങ്ങളും സഹിതമാണ് നിയാസ് മലബാറി പരാതി നല്കിയത്. പരാതിയില് അന്വേഷണം നടത്തുന്നതിനായി കാസര്കോട് ജില്ലാ പൊലീസ് മേധാവിക്ക് കൈമാറിയതായി ഡിജിപിയുടെ ഓഫീസില് നിന്നുള്ള അറിയിപ്പ് ലഭിച്ചെന്നും നിയാസ് മലബാറി പറഞ്ഞു.
