കൊല്ലം: കൊട്ടാരക്കര നടുവത്തുര് ഈശ്വരവിലാസം സ്കൂളില് ചുരിദാര് ധരിച്ചെത്തിയ പ്രധാനാധ്യാപികയെ ഗേറ്റില്തടഞ്ഞത് തന്റെ അറിവോടെ അല്ലെന്ന് വിദ്യാഭ്യാസ വകുപ്പിന് നല്കിയ വിശദീകരണത്തില് സ്കൂള് മാനേജര് സുരേഷ്. ഇക്കാര്യത്തിലെ പൊലീസ് നടപടി ഏകപക്ഷീയമാണെന്നും തന്റെ ഭാഗം കൂടി കേള്ക്കണമെന്നും സുരേഷ് പറഞ്ഞു. സ്കൂള് മാനേജര്ക്ക് ഗുരുതര വീഴ്ച സംഭവിച്ചെന്ന വിലയിരുത്തലിലാണ് വിശദീകരണം ആവശ്യപ്പെട്ട് ഡിഡിഇ നോട്ടീസ് നല്കിയിരുന്നത്. ഇതിനാണ് സുരേഷ് മറുപടി നല്കിയത്.
എന്നാല് ചുരിദാര് ധരിച്ചു വരരുതെന്ന് മുന്പും മാനേജര് തന്നോട് പറഞ്ഞിട്ടുണ്ടെന്ന് പ്രധാനാധ്യാപിക സിന്ധു എസ്. നായര് വ്യക്തമാക്കുന്നു. സ്കൂളില് ജോലി ചെയ്യാന് ഭയമാണെന്നും സ്വസ്ഥമായി ജോലി ചെയ്യാനുള്ള സാഹചര്യമൊരുക്കണമെന്നുമാണ് അവരുടെ ആവശ്യം. സംഭവത്തില് സെക്യൂരിറ്റി ജീവനക്കാരന് ശശാങ്കനെ പിരിച്ചുവിട്ടിരുന്നു.
