ബാരാബങ്കി : ലോകാവസാനം വരെ ബാബറി മസ്ജിദ് ഇന്ത്യയിൽ ഇനിയാരിക്കലും പുനർനിർമ്മിക്കില്ലെന്ന് ഉത്തർപ്രദേശ് മുഖ്യമന്ത്രി യോഗി ആദിത്യനാഥ് . ബാരാബങ്കിയിൽ നടന്ന പൊതുസമ്മേളനത്തിൽ സംസാരിക്കുകയായിരുന്നു അദ്ദേഹം. ന്യായവിധി നാളിൽ ബാബറി മസ്ജിദ് പുനർനിർമ്മിക്കപ്പെടുമെന്ന് സ്വപ്നം കാണുന്നവരുണ്ടാകാം . എന്നാൽ ആ ആഗ്രഹം ഒരിക്കലും സഫലമാകില്ല. അത്തരമൊരു ദിനം വരുമെന്ന് കരുതുന്നവർ കാത്തിരുന്ന് നശിക്കും. അങ്ങനെയൊരു ദിവസം ഒരിക്കലും വരില്ലെന്നും അദ്ദേഹം പറഞ്ഞു.
ഖയാമത്ത് ദിനത്തിനായി കാത്തിരിക്കുന്നതിനുപകരം ഇന്ത്യയുടെ നിയമ ചട്ടക്കൂടിനനുസരിച്ച് ജീവിക്കുക . ഈ നാട്ടിലെ നിയമം പിന്തുടരുക. നിങ്ങൾ അങ്ങനെ ചെയ്താൽ നിങ്ങൾക്ക് പ്രയോജനം ലഭിക്കും. നിങ്ങൾ നിയമം ലംഘിച്ചാൽ, പാത നേരിട്ട് ശിക്ഷയിലേക്ക് നയിക്കും. നിയമം ലംഘിച്ച് സ്വർഗം സ്വപ്നം കാണുന്ന ഏതൊരാളും ഫാന്റസിയിലാണ് ജീവിക്കുന്നത്.
ഈ സർക്കാർ പറയുന്നത് ചെയ്യുന്നു, ചെയ്യുന്നത് മാത്രമേ പറയുന്നുള്ളൂ. ‘രാം ലല്ലാ, ഞങ്ങൾ വന്ന് അവിടെ ക്ഷേത്രം പണിയുമെന്ന്’ ഞങ്ങൾ പറഞ്ഞിരുന്നു, ഞങ്ങൾ അത് കൃത്യമായി ചെയ്തു . ‘ എന്നും അദ്ദേഹം പറഞ്ഞു.
