ന്യൂദല്ഹി: സീഷെല്സിന് 175 മില്യണ് ഡോളറിന്റെ പ്രത്യേക സാമ്പത്തിക പാക്കേജ് പ്രഖ്യാപിച്ച് ഭാരതം. ഇതില് 125 മില്യണ് ഡോളറിന്റെ വായ്പയും 50 മില്യണ് ഡോളറിന്റെ വികസന സഹകരണ പദ്ധതികളുമാണ് ഉള്പ്പെടുന്നത്.
പ്രധാനമന്ത്രി നരേന്ദ്രമോദിയും സീഷെല്സ് പ്രസിഡന്റ് ഡോ. പാട്രിക് ഹെര്മിനിയുമായി നടത്തിയ ഉഭയകക്ഷി ചര്ച്ചകളിലാണ് തീരുമാനം. ഇരുരാജ്യങ്ങളും തമ്മിലുള്ള ജനകേന്ദ്രീകൃത വികസന പങ്കാളിത്തം കൂടുതല് ശക്തമാക്കുന്നതിനുള്ള പ്രതിബദ്ധത ഇരുനേതാക്കളും ആവര്ത്തിച്ചു.
സീഷെല്സ് സ്വാതന്ത്ര്യത്തിന്റെ 50-ാം വാര്ഷികവും ഭാരതം-സീഷെല്സ് ബന്ധത്തിന്റെ 50-ാം വാര്ഷികവും ആഘോഷിക്കുന്ന വേളയിലാണ് പ്രസിഡന്റ് ഡോ. പാട്രിക് ഹെര്മിനിയുടെ സന്ദര്ശനം. ഇരുരാജ്യങ്ങളും ചരിത്രത്താലും ഭാവിയിലേക്കുള്ള കാഴ്ചപ്പാടുകളാലും ബന്ധപ്പെട്ടിരിക്കുന്നു. ഒരു അയല്ക്കാരനും വിശ്വസ്ത പങ്കാളിയും എന്ന നിലയില്, സീഷെല്സ് ഭാരതത്തിന്റെ മഹാസാഗര് ദര്ശനത്തിന്റെ അവിഭാജ്യഘടകമാണെന്ന് പ്രധാനമന്ത്രി നരേന്ദ്രമോദി അഭിപ്രായപ്പെട്ടു.
