ലാഹോര്: ഐസിസി പുരുഷ ട്വന്റി-20 ക്രിക്കറ്റ് ലോകകപ്പില് ഈ മാസം 15ന് ഇന്ത്യക്കെതിരെ നടക്കാനിരിക്കുന്ന മത്സരത്തില് കളിക്കാന് നിബന്ധനകള് മുന്നോട്ട് വച്ച് പാകിസ്ഥാന്.
പിന്മാറാനുള്ള തീരുമാനം പിന്വലിക്കാന് പാകിസ്ഥാന് ക്രിക്കറ്റ് ബോര്ഡ് തയാറാണെന്ന് റിപ്പോര്ട്ട്.ഒന്നിലധികം നിബന്ധനകളാണ് പാകിസ്ഥാന് ക്രിക്കറ്റ് ബോര്ഡ് ഐസിസിക്ക് മുന്നില് വച്ചിരിക്കുന്നതെന്നാണ് അറിയുന്നത്.
പ്രശ്നപരിഹാരത്തിനായി രണ്ട് ഐസിസി പ്രതിനിധികള് ലാഹോറിലെത്തി പിസിബി നേതൃത്വവുമായി ചര്ച്ച നടത്തിയിരുന്നു.ഐസിസി വരുമാനത്തില്നിന്ന് ഇപ്പോള് ലഭിക്കുന്നതില് കൂടുതല് വിഹിതം വേണം. ഇന്ത്യയുമായുള്ള ക്രിക്കറ്റ് പരമ്പരകള് പുനഃസ്ഥാപിക്കണം, പാകിസ്ഥാന്, ബംഗ്ലാദേശ്, ഇന്ത്യ ത്രിരാഷ്ട്ര ക്രിക്കറ്റ് പരമ്പര വേണം തുടങ്ങിയ നിബന്ധനകളാണ് പാകിസ്ഥാന് മുന്നോട്ടുവച്ചിരിക്കുന്നതെന്നാണ് വിവരം. എന്നാല് പരമ്പരയില് തീരുമാനമെടുക്കേണ്ടത് ബി സി സി ഐ ആണെന്നാണ് ഐ സി സി നിലപാട്.
ബംഗ്ലാദേശിന് പിന്തുണ അറിയിച്ചാണ് പാകിസ്ഥാന് ലോകകപ്പിലെ ഇന്ത്യക്കെതിരായ മത്സരത്തില് നിന്ന് പിന്മാറിയത്.ഇന്ത്യയില് കളിക്കില്ലെന്ന് പറഞ്ഞാണ് ബംഗ്ലാദേശ് നേരത്തേ പിന്മാറിയത്.ഇന്ത്യയില് അഭയം തേടിയ ബംഗ്ലാദേശിലെ മുന് പ്രധാനമന്ത്രി ഷേക്ക് ഹസീനയെ വിട്ടു നല്കാന് ഇന്ത്യ തയാറാകാതിരുന്നതോടെയാണ് ഇരുരാജ്യങ്ങളും തമ്മിലുളള ബന്ധം വഷളായത്.
