കൊല്ലം:പാരിപ്പള്ളിയില് നിന്ന് മോഷ്ടിച്ച ബൈക്കില് കറങ്ങി ഗതാഗത ലംഘനം നടത്തി ഉടമയ്ക്ക് പിഴ വാങ്ങി നല്കിയ കള്ളന് കീഴടങ്ങി.ചിറയിന്കീഴ് സ്വദേശി സുനിത്താണ് ബൈക്കുമായി പൊലീസില് കീഴടങ്ങിയത്.
മോഷ്ടിച്ച ബൈക്കില് ഹെല്മറ്റ് ഇല്ലാതെ കള്ളന് സഞ്ചരിച്ചു.തുടര്ന്ന് രണ്ട് തവണ ബൈക്ക് ഉടമയ്ക്ക് മോട്ടോര് വാഹന വകുപ്പ് പിഴ ഇട്ടു. ജനുവരി 30നാണ് സംഭവം.
ചെലാനിലെ മോഷ്ടാവിന്റെ ചിത്രം ഉപയോഗിച്ച് പൊലീസ് നടത്തിയ അന്വേഷണത്തില് കള്ളന് ചിറയിന്കീഴ് സ്വദേശി സുനിത്താണെന്ന് കണ്ടെത്തി. പിടിക്കപ്പെടുമെന്ന് ഉറപ്പായതോടെ മോഷ്ടാവ് ബൈക്ക് ഹാജരാക്കി പാരിപ്പള്ളി സ്റ്റേഷനില് കീഴടങ്ങി.
പ്രതിയെ മൊഴി രേഖപ്പെടുത്തി അറസ്റ്റ് ചെയ്തു. ഇയാള് കൂടുതല് മോഷണങ്ങള് നടത്തിയിട്ടുണ്ടോയെന്നും അന്വേഷിക്കുന്നുണ്ട്.
