ശബരിമല:കൊടിമര പുനഃ പ്രതിഷ്ഠയില് അന്വേഷണം നടത്താന് ഹൈക്കോടതി നിര്ദ്ദേശിച്ചതോടെ യുഡിഎഫ് ഭരണകാലത്തെ ദേവസ്വം ബോര്ഡ് ഭരണസമിതിയിലേക്കും അന്വേഷണം എത്തും. 2017ല് യുഡിഎഫ് ഭരണസമിതിയുടെ കാലത്താണ് കൊടിമരം പുന:നിര്മ്മാണം നടന്നത്.
അന്ന് അന്തരിച്ച കോണ്ഗ്രസ് നേതാവ് പ്രയാര് ഗോപാലകൃഷ്ണന് ആയിരുന്നു ദേവസ്വം ബോര്ഡ് പ്രസിഡന്റ്. പഴയ കൊടിമരത്തില് നിന്നും മാറ്റിയ വാജിവാഹനം തന്ത്രി കണ്ഠര് രാജീവര്ക്കാണ് ബോര്ഡ് കൈമാറിയത്.ആചാര രീതിയാണിതെന്ന വാദത്തിലാണിത്. സ്വര്ണകൊള്ള വിവാദം ഉയര്ന്നപ്പോള് വാജിവാഹനം തിരികെ നല്കാമെന്ന് തന്ത്രി മുന് ബോര്ഡിനെ അറിയിച്ചുവെങ്കിലും തിരികെ വാങ്ങാന് ബോര്ഡ് തയാറായിരുന്നില്ല.ഇത് തന്ത്രിയുടെ വീട്ടില് നിന്ന് പ്രത്യേക അന്വേഷണ സംഘം പിടിച്ചെടുത്തിരുന്നു.ഇതോടെയാണ് അന്വേഷണം കൊടിമരം മാറ്റിയതിലേക്ക് നീങ്ങിയത്.
അതേസമയം, അന്വേഷണത്തെ സ്വാഗതം ചെയ്ത് അന്നത്തെ ദേവസ്വം ബോര്ഡ് അംഗം കോണ്ഗ്രസ് നേതാവായ അജയ് തറയില് രംഗത്തെത്തി. ആശങ്കപ്പെടാന് ഒന്നുമില്ല. കോടതി നിര്ദേശിച്ച പ്രവര്ത്തിയാണ്. ഞങ്ങള് ആയിട്ട് ഒന്നും ചെയ്തിട്ടില്ല. അന്വേഷണം നടക്കട്ടെയെന്നും അദ്ദേഹം പറഞ്ഞു.
