ആലപ്പുഴ: മാവേലിക്കരയില് ഔദ്യോഗിക വാഹനം അപകടകരമായി ഓടിച്ച പൊലീസ് ഡ്രൈവറെ സസ്പന്ഡ് ചെയ്തു.മാന്നാര് പൊലീസ് സ്റ്റേഷനിലെ സ്വരാജിനെതിരെയാണ് നടപടി.
വാഹനം അപകടകരമായി ഓടിച്ച ദൃശ്യങ്ങള് പ്രചരിച്ചിരുന്നു. കായംകുളം- ചെട്ടികുളങ്ങര റോഡില് ബുധനാഴ്ച രാത്രിയാണ് സംഭവം. അപകടകരമായി പൊലീസ് വാഹനംപോകുന്നത് ശ്രദ്ധയില്പ്പെട്ട ബൈക്ക് യാത്രികരായ യുവാക്കളാണ് ദൃശ്യങ്ങള് പകര്ത്തിയത്.
പിന്നീട് വാഹനം റോഡരികില് നിര്ത്തിയിട്ടു. വാഹനത്തിനുള്ളില് ഛര്ദ്ദിച്ചതായും ദൃശ്യങ്ങളില് കാണാമായിരുന്നു. സംഭവത്തില് ആലപ്പുഴ ജില്ലാ പൊലീസ് മേധാവി, മാന്നാര് എസ്എച്ച്ഓയോട് വിശദീകരണം തേടുകയും വകുപ്പ്തല അന്വേഷണവും നടത്തി.
സ്വരാജ് മദ്യപിച്ചിരുന്നതായി ആരോപണം ഉണ്ടായെങ്കിലും സംഭവദിവസം വൈദ്യപരിശോധന നടത്തിയിരുന്നില്ല.
