കണ്ണൂര് :വി കുഞ്ഞികൃഷ്ണന്റെ പുസ്തകപ്രകാശനത്തില് പങ്കെടുത്തത് ഇടത് വിരുദ്ധരെന്ന് കണ്ണൂര് ജില്ല സെക്രട്ടറി കെ കെ രാഗേഷ്.ടി ഐ മധുസൂദനന് എം എല് എയെ വ്യക്തിപരമായി ലക്ഷ്യം വയ്ക്കുന്നതാണ് പുസ്തകം. പക മൂത്ത് കുഞ്ഞികൃഷ്ണന് അന്ധത ബാധിച്ചുവെന്നും കെ കെ രാഗേഷ് വാര്ത്താ സമ്മേളനത്തില് ആരോപിച്ചു.
പുസ്തകപ്രകാശനത്തിന് ഇടതുപക്ഷ ലേബലിട്ട് പലരും വന്നു. ആര്എംപിക്കാര് വരെ ഉണ്ടായിരുന്നു. ഫണ്ട് തട്ടിയെന്ന ആരോപണം ഭാവനാസൃഷ്ടിയാണെന്നാണ് കെ കെ രാഗേഷിന്റെ വാദം.പുസ്തകത്തിന് പകയുടെ കണക്ക് പുസ്തകം എന്ന് പേരിടാമായിരുന്നു.
പണം പിരിച്ചത് സഖാക്കളില് നിന്നാണ്. ബഹുജനമെന്നാല് പൊതുജനമല്ല. ചാനലുകള്ക്ക് മുന്നില് കണക്ക് അവതരിപ്പിക്കില്ല. ജനങ്ങള്ക്ക് മുന്നില് കണക്ക് അവതരിപ്പിക്കും. പാര്ട്ടി കുടുംബയോഗങ്ങളില് വരവും ചെലവും വിശദീകരിക്കുമെന്നും ജില്ലാ സെക്രട്ടറി വ്യക്തമാക്കി.
2017ലെ ഏരിയ സമ്മേളനത്തില് കെ പി മധുവിന്റെ പേര് നിര്ദേശിച്ച സംഭവത്തിലും അദ്ദേഹം പ്രതികരിച്ചു. ഏരിയ സെക്രട്ടറി ആയിരുന്ന മധുസൂദനന് ജില്ലാ കമ്മിറ്റിയുമായി കൂടിയാലോചിച്ചാണ് സമ്മേളനത്തില് പേര് നിര്ദേശിച്ചത്. 2021ലെ തെരഞ്ഞെടുപ്പ് ഫണ്ട് ക്രമക്കേട് മൂന്ന് ഓഡിറ്റര്മാര് പരിശോധിച്ചത് ആണ്.
ധനരാജ് രക്തസാക്ഷി ഫണ്ട് രണ്ടു രീതിയിലാണ് ശേഖരിച്ചത്. ഒന്ന് പാര്ട്ടി സഖാക്കളില് നിന്ന്, രണ്ടു സഹകരണ ജീവനക്കാരില് നിന്ന്. ബഹുജനങ്ങളില് നിന്ന് ഫണ്ട് പിരിച്ചിട്ടില്ല. ഏരിയ കമ്മിറ്റി വരവ് ചെലവ് കണക്ക് ചര്ച്ച ചെയ്തു അംഗീകരിച്ചതാണ്. എല്ലാ ബൂത്തുകളിലും അനുഭാവി യോഗങ്ങള് നടത്തി അവിടെ കണക്ക് അവതരിപ്പിക്കും.
ബഹുജനങ്ങളും പൊതുജനങ്ങളും രണ്ടും രണ്ടാണ്. ധന്രാജ് ഫണ്ട് സ്വീകരിച്ചിട്ടുള്ളത് പാര്ട്ടി സഖാക്കളില് നിന്ന് മാത്രമാണ്. എം വി ഗോവിന്ദന് മറിച്ചു പറഞ്ഞിട്ടുണ്ടോ എന്ന് അറിയില്ലെന്നും കെ കെ രാഗേഷ് പറഞ്ഞു.
