കൊച്ചി: ബിജെപി ദേശീയ അധ്യക്ഷൻ നിതിൻ നബീൻ കേരളത്തിലെത്തി. കൊച്ചി നെടുമ്പാശേരി വിമാനത്താവളത്തിലെത്തിയ നിതിൻ നബീനെ ബിജെപി പ്രവർത്തകർ ആവേശകരമായ വരവേൽപ്പ് നൽകി. രണ്ടു ദിവസം അദ്ദേഹം കേരളത്തിലുണ്ടാകും. ബിജെപി ദേശീയ അധ്യക്ഷനായ ശേഷം ആദ്യമായാണ് നിതീൻ നബീൻ കേരളത്തിലെത്തുന്നത്.
എറണാകുളം, തൃശൂര് ജില്ലകളിലെ വിവിധ പാര്ട്ടി പരിപാടികളില് അദ്ദേഹം പങ്കെടുക്കും. ഇന്ന് ഉച്ചയ്ക്ക് 1.45ന് നെടുമ്പാശേരിയിലെത്തുന്ന ദേശീയ അധ്യക്ഷന് സംസ്ഥാന നേതൃത്വം ആവേശോജ്ജ്വല സ്വീകരണം നൽകി. പാർട്ടി അധ്യക്ഷൻ രാജീവ് ചന്ദ്രശേഖറും മറ്റ് മുതിർന്ന നേതാക്കളും അദ്ദേഹത്തെ സ്വീകരിച്ചു. വിമാനത്താവളത്തിന് പുറത്ത് കാവടിയും ചെണ്ടമേളവുമായി പ്രവർത്തകർ സ്വീകരിച്ചു.
നെടുമ്പാശേരി താജ് ഹോട്ടലില് ഉച്ചയ്ക്ക് 2ന് നടക്കുന്ന ബിജെപി കോര് കമ്മിറ്റി യോഗ ശേഷം അങ്കമാലി അഡ്ലക്സ് കണ്വന്ഷന് സെന്ററിലെത്തും. എറണാകുളം, ആലപ്പുഴ ജില്ലകളിലെ ആറായിരത്തോളം വരുന്ന ബൂത്ത് പ്രസിഡന്റുമാരുടെ യോഗത്തെ 4 മണിക്ക് നിതിന് നബിന് അഭിസംബോധന ചെയ്യും. വൈകിട്ട് 5ന് പാലാരിവട്ടം റിനൈ കൊച്ചിയില് നടക്കുന്ന സംസ്ഥാന ഭാരവാഹി യോഗത്തിലും തുടര്ന്ന് നടക്കുന്ന എന്ഡിഎ യോഗത്തിലും പങ്കെടുക്കും. രാത്രി 8.10ന് ആര്എസ്എസ് പ്രാന്ത കാര്യാലയത്തിലും സന്ദര്ശനം നടത്തും. നാളെ രാവിലെ 7.30ന് കാലടി ആദിശങ്കര ജന്മഭൂമി ക്ഷേത്രത്തില് ദര്ശനം നടത്തും.
തുടര്ന്ന് തൃശൂരിലെത്തി നഗരത്തില് പ്രവര്ത്തകര്ക്കൊപ്പം ചുവരെഴുത്തില് പങ്കാളിയാവും. രാവിലെ 10.30ന് തൃശൂര് ഹയാത്ത് റീജന്സിയില് വിവിധ മേഖലകളിലെ പ്രമുഖര് പങ്കെടുക്കുന്ന പൊതുബജറ്റ് ചര്ച്ചയിലും നിതിന് നബിന് പങ്കെടുക്കും. ഉച്ചയ്ക്ക് ഒന്നിന് ബിജെപി ജില്ലാ ഓഫീസില് നടക്കുന്ന തൃശൂര് നിയമസഭാ മണ്ഡല നേതൃയോഗത്തില് പങ്കെടുത്തശേഷം വൈകിട്ടോടെ നെടുമ്പാശേരി വഴി ദേശീയ അധ്യക്ഷന് ദല്ഹിക്ക് മടങ്ങും.
