തിരുവനന്തപുരം:ബലാത്സംഗക്കേസുകളിലെ പ്രതിയായ പാലക്കാട് എംഎല്എ രാഹുല് മാങ്കൂട്ടത്തിലിന്റെ വിശ്വസ്തന് ഫെന്നി നൈനാനും എംഎല്എ അനുകൂലികളായ സൈബര് സംഘങ്ങള്ക്കും എതിരെ പ്രിയങ്ക ഗാന്ധി, ദീപാ ദാസ് മുന്ഷി, അല്ക്ക ലാംബ, ജെബി മേത്തര് എന്നിവര്ക്ക് പരാതി നല്കി മൂന്നാമത്തെ കേസിലെ അതിജീവിത.ഇമെയില് വഴിയാണ് പരാതി അയച്ചത്.
കേസുകള് കോടതിയുടെ പരിഗണനയിലിരിക്കെ, ഫെന്നി നൈനാന് ഉള്പ്പെടെയുള്ളവര് വ്യക്തിഹത്യ ചെയ്യാനും ഭീഷണിപ്പെടുത്താനും ശ്രമിക്കുകയാണെന്നാണ് പരാതി.സൈബര് സെല്ലിനും ഉന്നത പൊലീസ് ഉദ്യോഗസ്ഥര്ക്കും അതിജീവിത പരാതി കൈമാറി.
സ്വകാര്യ ചാറ്റുകളും ചിത്രങ്ങളും സമൂഹമാധ്യമങ്ങളിലൂടെ പ്രചരിപ്പിക്കുന്നത് ഇരകളെ മാനസികമായി തകര്ക്കാനും കേസിനെ അട്ടിമറിക്കാനുമുള്ള ബോധപൂര്വമായ ശ്രമമാണെന്ന് പരാതിക്കാരി പറയുന്നു.രാഹുല് മാങ്കൂട്ടത്തിലിനെതിരെ കോണ്ഗ്രസ് നേതൃത്വം പ്രതീകാത്മക നടപടി മാത്രമാണ് സ്വീകരിച്ചത്. ഇപ്പോഴും പാര്ട്ടി അനുഭാവികളായ സമൂഹമാധ്യമ ഹാന്ഡിലുകള് വഴി പ്രതിക്ക് അനുകൂലമായ പ്രചാരണങ്ങളുണ്ട്.ഫെന്നി നൈനാന് അതിജീവിതമാരെ മോശക്കാരായി ചിത്രീകരിക്കാനും അവരെ നിശബ്ദരാക്കാനും നേതൃത്വം നല്കുന്നുവെന്നും പരാതിയിലുണ്ട്.
