ന്യൂദല്ഹി: പാര്ലമെന്റില് വനിതാ എംപിമാരുടെ പ്രതിഷേധത്തില് മോദി പേടിച്ചുപോയെന്ന പരിഹാസവുമായി പ്രിയങ്ക വധേര. ഒരിയ്ക്കലും സംഭവിക്കാന് പാടില്ലാത്ത തറവേല ആസൂത്രണം ചെയ്ത് നടപ്പിലാക്കിയ ശേഷം അതിനെക്കുറിച്ച് പൊക്കിപ്പറയുകയാണോ എന്ന് സമൂഹമാധ്യമങ്ങളില് പ്രിയങ്കയ്ക്കെതിരെ പരക്കെ വിമര്ശനം ഉയരുകയാണ്. പ്രധാനമന്ത്രി മോദിയുടെ കസേരയ്ക്കരികില്ചെന്ന് പാര്ലമെന്റിനകത്ത് കോണ്ഗ്രസ് വനിതാ എംപിമാര് നടത്തിയ പ്രതിഷേധം ആസൂത്രിതഗൂഢാലോചനയാണെന്നാണ് കരുതുന്നത്.
റെയില്വേ മന്ത്രി അശ്വിനി വൈഷ്ണവും ബിജെപി എംപി നിഷികാന്ത് ദുബെയും ബുള്ളറ്റ് ട്രെയിന് മാതിരി ഓടിരക്ഷപ്പെട്ടുവെന്നും പ്രിയങ്ക ഗാന്ധി പരിഹസിച്ചു. തനി ഗുണ്ടായിസം ഭാഷയിലാണ് പ്രിയങ്ക ഗാന്ധിയുടെ ഈ പ്രതികരണങ്ങള്.
രാഷ്ട്രപതിയുടെ നന്ദിപ്രമേയത്തിനുള്ള മറുപടി പ്രസംഗത്തിനായി മോദി എഴുന്നേറ്റ സമയത്താണ് കോണ്ഗ്രസ് എംപിമാരായ വര്ഷ ഗെയ്ക് വാദ്, ജ്യോതിമണി എന്നിവര് പ്രധാനമന്ത്രിയുടെ കസേരയുടെ മുന്നിലേക്ക് കുതിച്ചെത്തി തടസ്സം നിന്നു. പിന്നാലെ മറ്റ് ചില കോണ്ഗ്രസ് വനിതാ എംപിമാര് കൂടി പ്രതിഷേധിക്കാനെത്തി. മുന്കരസേനാമേധാവി എം.എം.നരവനെയുടെ പ്രസിദ്ധീകരിക്കാത്ത ഓര്മ്മക്കുറിപ്പിലെ വരികള് ഉദ്ധരിക്കാന് രാഹുല് ഗാന്ധിയെ അനുവദിക്കാത്തതിലും ഇതിന്റെ പേരില് കഴിഞ്ഞ ദിവസം പ്രതിഷേധിച്ച എട്ട് കോണ്ഗ്രസ് എംപിമാരെ സസ്പെന്റ് ചെയ്ത നപടി പിന്വലിക്കാത്തതിലും പ്രതിഷേധിച്ചായിരുന്നു വനിതാ എംപിമാരുടെ പ്രതിഷേധം.
തികച്ചും അപ്രതീക്ഷിതമായിരുന്നു ഈ നീക്കം. കേന്ദ്ര മന്ത്രി കിരണ് റിജിജു അവസരോചിതമായി ഇടപെട്ടില്ലായിരുന്നെങ്കില് രംഗം വഷളാകുമായിരുന്നു. “വനിതാ എംപിമാര് പ്രധാനമന്ത്രിയെ ആക്രമിക്കാന് ശ്രമിക്കുകയായിരുന്നു. വളരെ ഭയാനകമായ കാര്യമാണ് പാര്ലമെന്റില് നടന്നത്. കോണ്ഗ്രസിന്റെ നിസ്സഹായതയാണ് പാര്ലമെന്റില് കണ്ടതെന്നും വളരെ ആസൂത്രിതമായാണ് വനിതാ എംപിമാര് പ്രധാനമന്ത്രിയുടെ കസേരയ്ക്ക് അടുത്ത് എത്തിയതെന്നും മന്ത്രി കിരണ് റിജിജു ഉചിതമായ ഇടപെടല് നടത്തിയില്ലായിരുന്നെങ്കില് സ്ഥിതി വഷളാകുമായിരുന്നു”- ബിജെപി എംപി മനോജ് തിവാരി വിമര്ശിച്ചു.
യുഎസുമായുള്ള വ്യാപാരത്തീരുവ 50 ശതമാനം ആയിരുന്നപ്പോള് അത് മോദിയെ വിമര്ശിക്കാനുള്ള വടിയായി കഴിഞ്ഞ കുറെ മാസങ്ങളായി കോണ്ഗ്രസ് നേതാക്കള് ഉപയോഗിച്ചുവരികയായിരുന്നു. എന്നാല് പൊടുന്നനെയാണ് ഇന്ത്യയുടെ വ്യാപാര തീരുവ 50 ശതമാനത്തില് നിന്നും 18 ശതമാനമായി കുറച്ചതാി ട്രംപ് തന്നെ ട്രൂത്ത് സോഷ്യലില് പ്രഖ്യാപിച്ചത്. ഇതോടെ കോണ്ഗ്രസ് നേതാക്കള് കടുത്ത നിരാശയിലാണ്. തുടര്ച്ചയായി വിജയം കൊയ്യുന്ന മോദിയോടുള്ള അസൂയ തന്നെയാണ് ബുധനാഴ്ച വനിതാ എംപിമാരെ മോദിയുടെ കേസരയ്ക്ക് മുന്നിലെത്തിപ്പിച്ച് കോണ്ഗ്രസ് നടത്തിയ വില കുറഞ്ഞ പ്രതിഷേധം.
