തിരുവനന്തപുരം:വട്ടിയൂര്ക്കാവ് എംഎല്എ വി കെ പ്രശാന്തിനെ തടഞ്ഞെന്നാരോപിച്ച് നഗരസഭയിലെ ബി ജെ പി കൗണ്സിലര്ക്കെതിരെ കേസ്.വാഴോട്ടുകോണം കൗണ്സിലര് സുഗതനെതിരെയാണ് കേസെടുത്തത്. വട്ടിയൂര്ക്കാവ് പൊലീസാണ് കേസ് രജിസറ്റര് ചെയ്തത്.
വാഴോട്ടുകോണത്ത് ആരോഗ്യമന്ത്രി വീണാ ജോര്ജ് പങ്കെടുക്കേണ്ട ഒരു മഹിളാമന്ദിരത്തിന്റെ ഉദ്ഘാടന ചടങ്ങ് ഉണ്ടായിരുന്നു.എന്നാല് മന്ത്രി എത്താത്തതിനെ തുടര്ന്ന് എംഎല്എ വി കെ പ്രശാന്ത് ആണ് ഉദ്ഘാടനം നിര്വഹിച്ചത്. ഈ ചടങ്ങില് കൗണ്സിലറായിരുന്നിട്ടും തന്നെ ക്ഷണിക്കാതിരുന്നതിനെ തുടര്ന്ന് സുഗതന് പ്രതിഷേധിച്ചിരുന്നു. തുടര്ന്ന് വി കെ പ്രശാന്ത് എംഎല്എ നല്കിയ പരാതിയിലാണ് പൊലീസ് കേസെടുത്തത്.
അതേസമയം, വാഴോട്ടുകോണം വാര്ഡില് കോര്പ്പറേഷന്റെ സ്ഥലത്ത് കോര്പ്പറേഷനെ അറിയിക്കാതെ ഒരു ഉദ്ഘാടനവും നടത്താന് ആര്ക്കും അവകാശമില്ലെന്ന് സുഗതന് വ്യക്തമാക്കി. എം എല് എ വി കെ പ്രശാന്തും സി പിഎമ്മും കൂടി കളിച്ച രാഷ്ട്രീയ നാടകത്തെ എതിര്ത്തത് വാഴോട്ടുകോണത്തെ ജനങ്ങള് ഒറ്റക്കെട്ടായാണെന്ന് അദ്ദേഹം പറഞ്ഞു. സി പി എം വൃത്തികെട്ട രാഷ്ട്രീയം കളിക്കുന്നെന്നും സുഗതന് പ്രതികരിച്ചു.
