ന്യൂദല്ഹി: പാകിസ്ഥാന്റെ തെക്കുപടിഞ്ഞാറന് പ്രവിശ്യയായ ബലൂചിസ്ഥാനില് വിമതര് നടത്തിയ ആക്രമണങ്ങളില് ഇന്ത്യയെ ബന്ധിപ്പിച്ചുള്ള പാകിസ്ഥാന്റെ ആരോപണങ്ങള് വിദേശകാര്യ മന്ത്രാലയം തള്ളി. ബലൂചിസ്ഥാനിലെ അക്രമികള്ക്ക് ഇന്ത്യയുടെ പിന്തുണയുണ്ടെന്ന് പാകിസ്ഥാന് സൈനിക, ആഭ്യന്തര മന്ത്രി മൊഹ്സിന് നഖ്വി ആരോപിച്ചതിന് പിന്നാലെയാണ് പ്രതികരണം. ആരോപണം ‘അടിസ്ഥാനരഹിതമാണെ’ന്നും സ്വന്തം ആഭ്യന്തര പരാജയങ്ങളില് നിന്ന് ശ്രദ്ധ തിരിക്കാനുള്ള പാക്കിസ്ഥാന്റെ പതിവ് തന്ത്രങ്ങളാണിതെന്നും ഇന്ത്യന് വിദേശകാര്യ മന്ത്രാലയം പ്രസ്താവനയില് വ്യക്തമാക്കി.
ഇറാനും അഫ്ഗാനിസ്ഥാനും അതിര്ത്തി പങ്കിടുന്ന ബലൂചിസ്ഥാനില് ഉണ്ടായ ആക്രമണങ്ങളില് ഒട്ടേറെ പേര് കൊല്ലപ്പെട്ടിരുന്നു. ആക്രമണങ്ങളുടെ ഉത്തരവാദിത്വം ബലൂചിസ്ഥാന് ലിബറേഷന് ആര്മി ഏറ്റെടുത്തിട്ടുണ്ട്.
ആഭ്യന്തര പരാജയങ്ങളില് നിന്ന് ശ്രദ്ധ തിരിക്കാനുള്ള പാകിസ്ഥാന്റെ അടവ്, നഖ്വിയുടെ ആരോപണങ്ങള് ഇന്ത്യ തള്ളി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.