കോട്ടയം: ഇന്ഷ്വറന്സ് കാലാവധി കഴിഞ്ഞ കാറിടിച്ച് 19 കാരന് മരിച്ച സംഭവത്തില് വാഹന ഉടമയും കാര് ഓടിച്ച മകനും ചേര്ന്ന് 42 ലക്ഷം രൂപ നഷ്ടപരിഹാരം നല്കണമെന്ന് കോട്ടയം അഡീഷണല് മോട്ടോര് ആക്സിഡന്റ് ക്ലെയിംസ് ട്രിബ്യുണല് വിധിച്ചു. കാഞ്ഞിരപ്പള്ളി എകെജെഎം സ്കൂളിനു മുന്നില് വച്ച് ആനിതോട്ടത്തില് കൊഴിയാത്താനത്തു സമീര് മാന്സിലില് വീട്ടില് നബീല് ബഷീര് (19) ഓടിച്ച ഇന്നോവ കാറിടിച്ച് ബൈക്കില് സഞ്ചരിച്ചിരുന്ന നട്ടാശരി എസ്എച്ച് മൗണ്ട് ഞണ്ടുപറമ്പില് അനന്തു കെ വേണു മരിച്ച സംഭവത്തിലാണ് ട്രിബ്യുണലിന്റെ വിധി. നബീലിന്റെ മാതാവ് ബിനീതയുടെ ഉടമസ്ഥതയിലുള്ളതാണ് കാര്.
കാറിന്റെ ഇന്ഷുറന്സ് പരിരക്ഷ അപകടത്തിനു തലേന്ന് കാലാവധി കഴിഞ്ഞുവെന്ന് വ്യക്തമായതോടെ ഹര്ജിക്കാരുടെ കോടതി ചെലവും പലിശയും അടക്കം 42 ലക്ഷം രൂപ നഷ്ടപരിഹാരം നല്കാന് ഇന്നോവ കാറിന്റെ ഉടമ ബിനീതയോടും കാറോടിച്ച മകനോടും ട്രിബൂണലില് നിര്ദേശിക്കുകയായിരുന്നു. ഹര്ജിക്കാര്ക്കുവേണ്ടി അഡ്വ. വി.ബി ബിനു ഹാജരായി.
ഇന്ഷ്വറന്സ് തീര്ന്ന കാറിടിച്ച് 19 കാരന് മരിച്ചു, വാഹന ഉടമയായ വീട്ടമ്മയും മകനും 42 ലക്ഷം രൂപ നഷ്ടപരിഹാരം നല്കണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.