കേന്ദ്ര ബജറ്റ്: നിർമ്മല ഒമ്പതാമതും; ചരിത്രം, ഇനി മുന്നിൽ മൊറാർജി ദേശായി മാത്രം

ന്യൂദൽഹി:
കേന്ദ്ര ധനമന്ത്രി നിർമ്മല സീതാരാമൻ ഫെബ്രുവരി ഒന്നിന്് തുടർച്ചയായ ഒമ്പതാം ബജറ്റ് അവതരിപ്പിക്കും. ഇത് മുൻ പ്രധാനമന്ത്രി മൊറാർജി ദേശായി വ്യത്യസ്ത കാലഘട്ടങ്ങളിലായി അവതരിപ്പിച്ച 10 ബജറ്റുകളുടെ റെക്കോർഡിലേക്ക് സീതാരാമനെ അടുപ്പിക്കും. 1959-1964 കാലഘട്ടത്തിൽ ധനമന്ത്രിയായിരുന്ന കാലത്ത് ദേശായി ആകെ 6 ബജറ്റുകളും 1967-1969 കാലയളവിൽ 4 ബജറ്റുകളും അവതരിപ്പിച്ചു. മുൻ ധനമന്ത്രിമാരായ പി. ചിദംബരവും പ്രണബ് മുഖർജിയും വ്യത്യസ്ത പ്രധാനമന്ത്രിമാരുടെ കീഴിൽ യഥാക്രമം ഒമ്പതും എട്ടും ബജറ്റുകൾ അവതരിപ്പിച്ചു. നിർമ്മലാ സീതാരാമനാകട്ടെ തുടർച്ചയായി ഒമ്പതാം ബജറ്റ് അവതരിപ്പിക്കുകയാണ്.
2019 മെയ് 31 നാണ് നിർമ്മല കേന്ദ്ര ധനമന്ത്രിയായത്. ആറുവർഷവും 244 ദിവസവുമായി അവർ ധനമന്ത്രിസ്ഥാനത്ത് തുടരുകയാണ്. രണ്ടാം മോദി സർക്കാരിലും മൂന്നാം സർക്കാരിലുമായാണ് നിർമ്മല 9 ബജറ്റ് തുടർച്ചയായി അവതരിപ്പിക്കുന്നത്.