തൃശൂര്: ഗണേഷ് കുമാര് എന്നില് എന്റെ പിതാവിനെ കാണുന്നുണ്ടോ എന്ന് അറിയില്ലെന്ന് ചാണ്ടി ഉമ്മന് എംഎല്എ. ഉമ്മന് ചാണ്ടി തന്റെ കുടുംബം തകര്ത്തെന്ന കെ ബി ഗണേഷ് കുമാറിന്റെ വിവാദ പ്രസ്താവനയില് പ്രതികരിക്കുകയായിരുന്നു ചാണ്ടി ഉമ്മന് .
കൂടുതല് വിവാദത്തിന് ആഗ്രഹിക്കുന്നില്ല.ഗണേഷ് പറഞ്ഞത് നാക്കു പിഴ ആയിരിക്കാമെന്നും ചാണ്ടി ഉമ്മന് പറഞ്ഞു.
ബാലകൃഷ്ണപിള്ള സാറിന്റെ കുടുംബവുമായി തന്റെ കുടുംബത്തിന് അടുപ്പമുണ്ടായിരുന്നു.അദ്ദേഹത്തിന് സുഖമില്ലാതിരുന്ന സമയത്ത് തന്റെ അമ്മ അദ്ദേഹത്തിന്റെ ഭാര്യയോടൊപ്പം പ്രാര്ത്ഥിക്കുമായിരുന്നു.ഗണേഷ് കുമാറില് വലിയ പ്രതീക്ഷ ഉണ്ടായിരുന്നു. ആ പ്രതീക്ഷ ആസ്ഥാനത്തായോ എന്ന് മാത്രമേ ചോദിച്ചോളൂവെന്ന് ചാണ്ടി ഉമ്മന് പറഞ്ഞു.
ഉമ്മന്ചാണ്ടി തന്റെ കുടുംബം തകര്ത്തെന്നാണ് കഴിഞ്ഞ ദിവസം ഗണേഷ് കുമാര് മാധ്യമങ്ങളോട് പറഞ്ഞത്. തന്റെ മക്കളെ അകറ്റിയെന്നും അദ്ദേഹം പറഞ്ഞു.
