തിരുനാവായ: മഹാമാഘ മഹോത്സവത്തിന്റെ ഭാഗമായി തയാറാക്കിയ താല്ക്കാലിക പാലത്തിലൂടെ ഭക്തര് യജ്ഞശാലയിലെത്തി. പാലത്തിലൂടെ ഭക്തര് പോയിത്തുടങ്ങിയതോടെ, ഇന്നലെ യജ്ഞശാലയിലാണ് പൂജകള് നടത്തിയത്.
ഭാരതപ്പുഴയുടെ മധ്യഭാഗത്താണ് യജ്ഞശാല. കഴിഞ്ഞ ദിവസത്തെ നിളാ ആരതി കാണാനാണ് ഭക്തര് പാലത്തിലൂടെ കടന്നു പോയിത്തുടങ്ങിയത്. ഇനിയുള്ള ദിവസങ്ങളിലെ എല്ലാ പൂജകളും ഇവിടെയാണ് നടക്കുക. നിളാ ആരതി നേരിട്ട് തൊട്ടടുത്ത് നിന്നു കാണാനും ഇതുവഴി അവസരമൊരുങ്ങിയിട്ടുണ്ട്. മഹാമാഘ മഹോത്സവത്തിലെ പ്രധാന ചടങ്ങായ നിളാസ്നാനവും ഇനി യജ്ഞശാലയ്ക്കു സമീപമാണ്. ഇവിടെ സംഘാടകര് സുരക്ഷയൊരുക്കിയിട്ടുണ്ട്. പുഴയില് നിശ്ചിത ദൂരത്തില് മുള ഉപയോഗിച്ച് ബാരിക്കേഡ് കെട്ടിയിട്ടുണ്ട്. ഇതു പിന്നിട്ട് മുന്നോട്ടു പോകരുതെന്ന് സംഘാടകര് അറിയിച്ചു.
ഗംഗാ ജലത്തിനായി ഇന്ത്യ പോസ്റ്റ് പ്രത്യേക സ്റ്റാള് ഒരുക്കി
തിരുനാവായ: മഹാമാഘ മഹോത്സവത്തോടനുബന്ധിച്ച് ഇന്ത്യപോസ്റ്റിന്റെ പ്രത്യേക ഗംഗാജലം സ്റ്റാള് തിരുനാവായയില് പ്രവര്ത്തനം ആരംഭിച്ചു. ഗംഗോത്രിയില് നിന്നും ശേഖരിച്ചു പോസ്റ്റ് ഓഫീസുകള് വഴി 30 രൂപക്ക് വിതരണം ചെയ്യുന്ന 250 എംഎല് ഗംഗാജല ബോട്ടിലുകള് തിരൂര് പോസ്റ്റല് ഡിവിഷന് ഒരുക്കിയ പ്രത്യേക സ്റ്റാള് വഴി ലഭിക്കുമെന്ന് ഡിവിഷനല് സൂപ്രണ്ട് എം.കെ. ഇന്ദിര അറിയിച്ചു. കൂടുതല് വിവരങ്ങള്ക്ക് 9188928320, 8590468653.
