ആലപ്പുഴ: മുസ്ലീം ലീഗിനെതിരെ എസ്എന്ഡിപി യോഗത്തിന്റെ നേതൃയോഗം പ്രമേയം പാസാക്കി. മലപ്പുറം ജില്ല ആരുടെയും സ്വകാര്യ സാമ്രാജ്യമല്ല, മതത്തിന്റെ പേരില് ലീഗ് സ്വയം ആനുകൂല്യങ്ങള് എഴുതിയെടുക്കുന്നു. ലീഗിന്റെ മതേതരത്വം തെരഞ്ഞെടുപ്പ് കാലത്ത് മാത്രമാണ്, മതത്തിനു വേണ്ടി മാത്രം ഭരണം നടത്തുന്ന ലീഗ്, ഭരണഘടനാ ലംഘനം നടത്തുന്നു. മതേതര കപട നാടകങ്ങള്ക്കെതിരെ ശക്തമായി പ്രതികരിക്കും.
സാമൂഹിക നീതിക്കായുള്ള വെള്ളാപ്പള്ളി നടേശന്റെ പോരാട്ടത്തിന് നേതൃയോഗത്തിന്റെ പൂര്ണ പിന്തുണ നല്കുന്ന പ്രമേയവും പാസാക്കി. നായാടി മുതല് നസ്രാണി വരെ അനിവാര്യമെന്ന പ്രമേയം യോഗം അംഗീകരിച്ചു. മലപ്പുറം ഉള്പ്പെടെയുള്ള ജില്ലകളില് മതേതരത്വം ഉറപ്പാക്കണം. കപട മതേതരവാദികളായ നേതാക്കള് വെള്ളാപ്പള്ളിയെ അധിക്ഷേപിക്കുന്നു. ന്യൂനപക്ഷങ്ങള് മതത്തെ ഉപയോഗിച്ച് ആധിപത്യം ചെലുത്തുന്നു.
എസ്എന്ഡിപി യോഗത്തിന്റെ സംഘടന പ്രവര്ത്തനങ്ങള് ചര്ച്ച ചെയ്യാന് കേരളത്തിനകത്തും മറ്റ് സംസ്ഥാനങ്ങളിലും വിദേശത്തുമുള്ള യൂണിയന് പ്രസിഡന്റുമാര്, വൈസ് പ്രസിഡന്റുമാര്, സെക്രട്ടറിമാര്, ബോര്ഡ് അംഗങ്ങള്, അഡ്മിനിസ്ട്രേറ്റീവ് കമ്മിറ്റി അംഗങ്ങള്, പോഷക സംഘടനയുടെ സംസ്ഥാന ഭാരവാഹികള് എന്നിവര് യോഗത്തില് പങ്കെടുത്തു. യോഗം ജനറല് സെക്രട്ടറി വെള്ളാപ്പള്ളി നടേശന് ഉദ്ഘാടനം ചെയ്തു. യോഗം പ്രസിഡന്റ് ഡോ.എം.എന്.സോമന് അദ്ധ്യക്ഷനായി. വൈസ് പ്രസിഡന്റ് തുഷാര് വെള്ളാപ്പള്ളി സംഘടനാ സന്ദേശം നല്കി. ദേവസ്വം സെക്രട്ടറി അരയാക്കണ്ടി സന്തോഷ് നന്ദി പറഞ്ഞു.
