ന്യൂദല്രഹി: തിരുവനന്തപുരം കോര്പറേഷന് ബിജെപി പിടിച്ചെടുക്കുകയും ബിജെപിക്കാരനായ മേയറായി വി.വി. രാജേഷ് എത്തിയതിനെയും അസംകാരോട് വിവരിച്ച് പ്രധാനമന്ത്രി മോദി. ഇക്കഴിഞ്ഞ ദിവസം അസമില് നടന്ന പൊതുയോഗത്തിലാണ് മോദി കേരളത്തിലെ ഒരു കോര്പറേഷനിലെ മേയര് പദവി ബിജെപി പിടിച്ചെടുത്ത അസാധാരണ വിജയ കഥ പറഞ്ഞത്.
രാജ്യത്തെ വോട്ടര്മാരുടെ ആദ്യ ചോയ്സ് ബിജെപിയാണെന്നായിരുന്നു മോദി നിയമസഭാ തെരഞ്ഞെടുപ്പിനെ നേരിടാന് പോകുന്ന അസം കാരോട് പറഞ്ഞത്. അസമിലെ നഗാവോണ് ജില്ലയില് 6957 കോടി രൂപ ചെലവില് നിര്മ്മിക്കുന്ന കാസിരംഗ എലിവേറ്റഡ് കോറിഡോറിന്റെ തറക്കല്ലിടല് കര്മ്മം നിര്വ്വഹിച്ച ശേഷം സംസാരിക്കുകയായിരുന്നു പ്രധാനമന്ത്രി.
അസമില് കോണ്ഗ്രസ് ഭരണകാലത്ത് നുഴഞ്ഞുകയറ്റക്കാര്ക്ക് ഭൂമി വിട്ടുകൊടുത്തുവെന്ന് മോദി കുറ്റപ്പെടുത്തി. പതിറ്റാണ്ടുകളായുള്ള കോണ്ഗ്രസ് ഭരണത്തില് അസമില് നുഴഞ്ഞുകയറ്റം വര്ധിച്ചുവെന്നും ബംഗ്ലാദേശില് നിന്നുള്ള രോഹിംഗ്യ മുസ്ലിങ്ങള് ഉള്പ്പെടെയുള്ള അനധികൃത കുടിയേറ്റക്കാര് വനങ്ങളും വന്യജീവി സങ്കേതങ്ങളും കയ്യേറിയെന്നും മോദി ആരോപിച്ചു. ഭൂമി കയ്യേറിയ നുഴഞ്ഞുകയറ്റക്കാരെ ഒഴിപ്പിച്ച് അസമിന്റെ സംസ്കാരം സംരക്ഷിച്ചത് ബിജെപിയാണെന്നും മോദി പറഞ്ഞു. സദ്ഭരണത്തിനും വികസനത്തിനും ജനങ്ങള് ബിജെപിയെ വിശ്വസിക്കുകയാണ്. ബീഹാറില് 20 വര്ഷത്തെ ഭരണത്തിന് ശേഷവും ജനങ്ങള് പാര്ട്ടിക്ക് റെക്കോഡ് വോട്ടുകള് നല്കി. മഹാരാഷ്ട്രയിലെ തെരഞ്ഞെടുപ്പിലും ജനങ്ങള് ബിജെപിയ്ക്ക് വോട്ട് ചെയ്തു. കേരളത്തില് പോലും നമുക്ക് ബിജെപിക്കാരനായ മേയര് ഉണ്ട്. – മോദി പറഞ്ഞു.
