ചെന്നൈ: എ.ആര്. റഹ്മാന് മണിരത്നത്തിന്റെ റോജ എന്ന സിനിമയിലൂടെയാണ് 1992ല് സംഗീത സംവിധായകനായി രംഗപ്രവേശം ചെയ്തത്. അതുവരെ തമിഴ്നസിനിമകളില് നിറഞ്ഞു നിന്ന സംഗീത സംവിധായകന് ഇളയരാജയായിരുന്നു. ഇളയരാജയുമായി ഉണ്ടായ ഒരു സൗന്ദര്യപ്പിണക്കമായിരുന്നു മണിരത്നത്തെ റഹ്മാനെ തന്റെ സിനിമയ്ക്ക് സംഗീതസംവിധായകനായി ഉപയോഗിക്കാന് പ്രേരിപ്പിച്ചത്. പക്ഷെ റഹ്മാന്റെ വരവോടെ ഇളയരാജ പിന്തള്ളപ്പെടാന് തുടങ്ങി. ഇളയരാജയുടെ അവസരങ്ങള് കുറഞ്ഞു.
പക്ഷെ ഇളയരാജ റഹ്മാനെതിരെ പരാതിപ്പെട്ടില്ല. സംഗീതത്തില് പുതിയ വ്യാകരണം സൃഷ്ടിച്ച് റഹ്മാന് കടന്നുവന്നപ്പോള് ഇളയരാജ കിട്ടുന്ന അവസരങ്ങളുമായി പരാതിയില്ലാതെ മുന്നോട്ടുപോയി. റഹ്മാന് തമിഴില് മാത്രമല്ല, പിന്നീട് തെലുങ്കിലും ബോളിവുഡിലും മികച്ച സംഗീതസംവിധായകനായി ഒടുവില് ഒരു ഇംഗ്ലീഷ് സിനിമയിലെ സംഗീതത്തിന് ഓസ്കാറും ലഭിച്ചു.സിനിമാ അവസരങ്ങള് കുറഞ്ഞപ്പോള് എ.ആര്. റഹ്മാന് എന്ന മുസ്ലിം വന്നപ്പോള് ഹിന്ദുവായ തനിക്ക് അവസരങ്ങള് കുറഞ്ഞു എന്ന് വേണമെങ്കില് അന്ന് ഇളയരാജയ്ക്കും ആരോപണം ഉയര്ത്താമായിരുന്നില്ലേ?
1992ല് സംഗീത രംഗത്ത് വന്ന റഹ്മാന് ഇപ്പോള് എത്ര വര്ഷമായി സിനിമസംഗീത രംഗത്ത് ആധിപത്യം തുടരുന്നത്? 33 വര്ഷം. ഇത് നീണ്ട ഒരു കാലയളവാണ്. ഇപ്പോഴിതാ പുതിയ ഒരു സംഘം സംഗീത സംവിധായകര് പുതിയ ഗ്രാമര് സൃഷ്ടിച്ച് രംഗത്ത് വരികയാണ്. അനിരുദ്ധ് രവിചന്ദര്, പ്രീതം, അമിത് ത്രിവേദി, അജയ് -അതുല്, സച്ചിന്-ജിഗാര് തുടങ്ങി ബോളിവുഡില് ഒരു പിടി സംഗീതസംവിധായകര് ഉണ്ട്. ജി.വി. പ്രകാശ്കുമാര്, ഹാരിസ് ജയരാജ്, സന്തോഷ് നാരായണന്, യുവാന് ശങ്കര് രാജ, അനിരുദ്ധ് രവിചന്ദര്, ഡി. ഇമ്മന്, ഗിബ്രാന്, സായി അഭയങ്കാര് തുടങ്ങി ഒട്ടേറെ പുതിയ സംഗീതസംവിധായകരും ഉണ്ട്. പക്ഷെ റഹ്മാന് ഇവര്ക്കൊപ്പം മത്സരിച്ച് നില്ക്കുന്നുണ്ടെങ്കിലും പഴയതുപോലെ റഹ്മാന് പുത്തന് ട്യൂണുകള് സൃഷ്ടിക്കാന് കഴിയുന്നുണ്ടോ എന്ന് സംശയമുണ്ട്. റഹ്മാന് റോജയിലേതുപോലെ മനോഹരമായ ഗാനങ്ങള് സൃഷ്ടിക്കാന് കഴിയുന്നില്ലെന്ന് പലരും പരാതിപ്പെടുന്നുണ്ട്. പഴയതുപോലെ ഇന്ത്യയാകെ റഹ്മാന്റെ പാട്ടുകള് ഏറ്റുപാടുന്നുണ്ടോ? ഒരു വ്യക്തിയുടെ സര്ഗ്ഗാത്മകത കാലക്രമേണ കുറഞ്ഞുകൊണ്ടേയിരിക്കുക്കുമെന്നത് പ്രകൃതി നിയമമാണ്. അപ്പോള് തനിക്ക് അവസരം ലഭിക്കാത്തത് താന് ഒരു പ്രത്യേക മതസ്ഥനായതുകൊണ്ടാണെന്ന് ആരോപിക്കുന്നതില് അര്ത്ഥമുണ്ടോ?.
അങ്ങിനെയിരിക്കെ മുസ്ലിം ആയതുകൊണ്ട് തനിക്ക് അവസരങ്ങള് ഇന്ത്യയില് കുറയുന്നു എന്ന് റഹ്മാന് അഭിപ്രായപ്പെട്ടതില് കഴമ്പുണ്ടെന്ന് തോന്നുന്നില്ല. പലവിധ കാരണങ്ങള് കൊണ്ട് പലരും സിനിമയില് നിന്നും പുറത്തുപോകാറുണ്ട്. പക്ഷെ അതില് മതം എടുത്തുപറയുന്നതിന് പിന്നില് റഹ്മാന് ഗൂഢമായ എന്തെങ്കിലും അജണ്ടയുണ്ടോ എന്ന് കരുതേണ്ടിവരും.
