കൊച്ചി: പറവൂര് നഗരസഭയിലെ പൊതു കാനയിലേക്ക് അനധികൃതമായി പൈപ്പുകള് ഇട്ട് മലിന ജലം ഒഴുക്കിയ വ്യാപാര സ്ഥാപനങ്ങള്ക്ക് പിഴ. അനധികൃതമായി സ്ഥാപിച്ച പൈപ്പുകള് നീക്കം ചെയ്യാന് നഗരസഭ ആരോഗ്യ വിഭാഗം നടപടികള് തുടങ്ങി.
നഗരത്തിലെ പൊതു കാനകളില് കക്കൂസ് മാലിന്യവും ഭക്ഷണാവശിഷ്ടങ്ങളും ഒഴുകുന്നതായി പരാതികള് ഉണ്ടായിരുന്നു. തുടര്ന്ന് ആരോഗ്യ വിഭാഗം ഉദ്യോഗസ്ഥര് പരിശോധന നടത്തി. ഇതിന്റെ ഭാഗമായി മെയിന് റോഡില് മുന്സിപ്പല് കവല മുതല് ചേന്ദമംഗലം കവല വരെയുള്ള ഇരുവശത്തെയും കാനകളുടെ മൂടി തുറന്നു പരിശോധന നടത്തി.
ആദ്യഘട്ട പരിശോധനയില് നമ്പൂരിയച്ചന് ആലിന് സമീപം പൊതു കാനയിലേക്ക് മാലിന്യം ഒഴുക്കാനായി സ്ഥാപിച്ച രണ്ടുസ്ഥാപനങ്ങളുടെ പൈപ്പുകള് കണ്ടെത്തി. നഗരസഭ നിയമങ്ങള് ലംഘിച്ചതിന് ഇവര്ക്കെതിരെ പിഴ ചുമത്തി നോട്ടീസ് നല്കി.
നോട്ടീസില് പറഞ്ഞിട്ടുളള നിശ്ചിത സമയപരിധിക്കുള്ളില് പൈപ്പുകള് നീക്കം ചെയ്തില്ലെങ്കില് സ്ഥാപനങ്ങളുടെ ലൈസന്സ് റദ്ദാക്കും.
