പത്തനംതിട്ട: ശബരിമല സ്വര്ണക്കൊള്ള കേസില് ഒന്നും അറിയില്ല എന്നു പറഞ്ഞ് രക്ഷപ്പെടാന് ദേവസ്വം ബോര്ഡ് മുന് പ്രസിഡന്റ് പി.എസ്. പ്രശാന്തിനാവില്ല എന്നുറപ്പായി.
നാല്പതു വര്ഷ ഗ്യാരന്റിയോടെ 2019-ല് സ്മാര്ട്ട് ക്രിയേഷന്സ് സ്വര്ണം പൂശിയ പാളികളില് അഞ്ചു വര്ഷത്തിനുള്ളില് ചെമ്പു തെളിഞ്ഞിട്ടും വീണ്ടും അവിടേക്കു തന്നെ പാളികള് കൊടുത്തു വിട്ടതെന്തിന്?
ഗ്യാരന്റി പോറ്റിയുടെ പേരില് എന്നതാണ് ഇതിനു പ്രശാന്തിന്റെ മറുപടി. എങ്കില്, ദേവസ്വം ബോര്ഡിന്റെ പേരില് ഗ്യാരന്റി പേപ്പര് തയാറാക്കാതെ ഉണ്ണികൃഷ്ണന് പോറ്റിയുടെ പേരില് നല്കിയത് എന്തുകൊണ്ട് എന്ന് അന്വേഷിക്കേണ്ട ചുമതല ദേവസ്വം ബോര്ഡ് പ്രസിഡന്റ് എന്ന നിലയില് പ്രശാന്തിന് ഉണ്ടായിരുന്നില്ലേ?
അത് ചെയ്യാതെ പോറ്റി വശം വീണ്ടും പാളികള് കൊടുത്തുവിട്ടത് പ്രശാന്ത് ചെയ്ത കുറ്റമല്ലേ?
കമ്പനി നല്കിയ ഗ്യാരന്റി പേപ്പര് ശ്രീകോവില് കതക്, കട്ടിളപ്പാളികള് എന്നിവയുടെ കാര്യത്തിലും കാണേണ്ടതാണ്. ഉണ്ണികൃഷ്ണന് പോറ്റിയുടെ പേരില് ആയിരുന്നൊ അവ?,
എന്തുകൊണ്ട് ദേവസ്വം ബോര്ഡിന്റെ പേരിലേക്ക് ഗ്യാരന്റി മാറ്റിയില്ല?
ഇവയ്ക്കൊന്നിനും പ്രശാന്തിനു മറുപടിയില്ല.
