പ്രമേയത്തിലെ വൈവിധ്യം, അവതരണത്തിലെ പുതുമ, നാടകങ്ങള്ക്ക് കൈയടിച്ച് കാണികള്.വൈവിധ്യമാര്ന്ന പ്രമേയങ്ങളും പുതുമയാര്ന്ന അവതരണ ശൈലികളും കൊണ്ട് സമ്പന്നമായി ഹൈസ്കൂള് വിഭാഗം നാടക വേദി .വലിയൊരു ആസ്വാദക സമൂഹം തന്നെ നാടകത്തിന് ഇപ്പോഴും ഉണ്ട് എന്നുള്ളതിന്റെ തെളിവായി നിറഞ്ഞ സദസ്സ്.
വേദി 11 കാല്ഡിയന് സിറിയന് എച്ച്എസ്എസ്സിലെ കര്ണ്ണികാര ത്തിലായിരുന്നു ഹൈസ്കൂള് വിഭാഗം നാടകം അരങ്ങേറിയത്. സമകാലീന സംഭവങ്ങളും, കൊച്ചു കഥകളിലൂടെ വലിയ വിഷയങ്ങളും കുട്ടികള് പറഞ്ഞുവെച്ചു.30 മിനിറ്റാണ് നാടകദൈര്ഘ്യം. പത്തോളം പേര്ക്ക് പങ്കെടുക്കാം. ചടുലമായ അവതരണങ്ങള്ക്കൊപ്പം പാട്ടുകളും നൃത്തച്ചുവടുകളും അരങ്ങ് സമ്പന്നമാക്കി.
ആണ്കുട്ടികളും പെണ്കുട്ടികളും ചേര്ന്നാണ് നാടകം അഭിനയിക്കുന്നത്. ആണ് പെണ് വ്യത്യാസമില്ലാതെ നടത്തുന്ന മത്സരങ്ങളില് ഒന്നാണ് നാടകം. കലോത്സവത്തില് ഏറ്റവും കൂടുതല് കാണികളെത്തുന്ന ഇനമാണ് നാടകം.
നാടകം ആസ്വദിക്കാന് വലിയൊരു സമൂഹം ഇപ്പോഴുമുണ്ട് എന്നുള്ളതിന്റെ തെളിവായിരുന്നു കര്ണ്ണികാരം വേദിക്ക് മുന്നിലെ ജനാരവം. നാടകങ്ങള്ക്കിടയില് കസേരകളില് നിന്ന് എഴുന്നേല്ക്കാത്ത ജനക്കൂട്ടം നാടന് പാട്ടുകള് പാടിയും മത്സരാര്ത്ഥികള്ക്ക് പ്രോത്സാഹനം നല്കിയും ആസ്വാദനം ഗംഭീരമാക്കി. രാവിലെ 10.30 ന് ആരംഭിച്ച നാടകമത്സരം രാത്രി വരെ നീണ്ടു.
