ന്യൂദൽഹി: ഇറാൻ-യുഎസ് സംഘർഷത്തിനിടയിൽ സാഹചര്യം യുദ്ധത്തിലേക്ക് നീങ്ങിയാൽ ഇസ്രായേലിനെയും ബാധിച്ചേക്കാമെന്ന ആശങ്ക വർദ്ധിച്ചുവരികയാണ്. ഈ സാഹചര്യത്തിൽ ഇസ്രായേലിലെ ഇന്ത്യൻ എംബസി തങ്ങളുടെ പൗരന്മാർക്ക് ഒരു പ്രധാന നിർദേശം നൽകിയിട്ടുണ്ട്.
മേഖലയിലെ നിലവിലെ സംഘർഷാവസ്ഥ കണക്കിലെടുത്ത് എല്ലാ ഇന്ത്യക്കാരും ജാഗ്രത പാലിക്കണമെന്നും ഇസ്രായേൽ അധികൃതരും ഹോം ഫ്രണ്ട് കമാൻഡും നൽകുന്ന സുരക്ഷാ നിർദ്ദേശങ്ങൾ കർശനമായി പാലിക്കണമെന്നും എംബസി നിർദ്ദേശിച്ചിട്ടുണ്ട്. അത്യാവശ്യമല്ലാത്ത യാത്രകൾ ഒഴിവാക്കാനും നിർദ്ദേശിച്ചിട്ടുണ്ട്. എന്തെങ്കിലും അടിയന്തര സാഹചര്യമുണ്ടായാൽ സഹായത്തിനായി എംബസിയുടെ 24×7 ഹെൽപ്പ്ലൈൻ നമ്പറും ഇമെയിൽ ഐഡിയും പങ്കിട്ടിട്ടുണ്ട്.
ഇസ്രായേലിൽ താമസിക്കുന്ന എല്ലാ ഇന്ത്യൻ പൗരന്മാരും ഈ സമയത്ത് അതീവ ജാഗ്രത പാലിക്കണമെന്ന് എംബസി വ്യക്തമാക്കി. മേഖലയിൽ നിലനിൽക്കുന്ന സംഘർഷാവസ്ഥ കണക്കിലെടുത്താണ് ഈ നടപടി സ്വീകരിച്ചിരിക്കുന്നത്.
എന്തെങ്കിലും അടിയന്തര സാഹചര്യത്തിൽ ഇന്ത്യൻ പൗരന്മാർക്ക് ഇന്ത്യൻ എംബസിയുടെ 24×7 ഹെൽപ്പ് ലൈനുമായി ബന്ധപ്പെടാം: ടെലിഫോൺ: +972-54-7520711; +972-54-3278392 ഇമെയിൽ: [email protected]. കൂടാതെ അത്യാവശ്യമല്ലാത്ത ഇസ്രായേലിലേക്കുള്ള യാത്രകൾ ഇന്ത്യൻ പൗരന്മാർ ഒഴിവാക്കണമെന്നും നിർദ്ദേശിച്ചിട്ടുണ്ട്.
