തിരുവനന്തപുരം: പ്രൊഫഷണല് ഡിപ്ലോമ ഇന് ഫാര്മസി, ഹെല്ത്ത് ഇന്സ്പെക്ടര് മറ്റ് പാരാമെഡിക്കല് കോഴ്സുകള്ക്ക് സര്ക്കാര്/സ്വാശ്രയ കോളേജുകളില് ഒഴിവുള്ള സീറ്റുകള് നികത്തുന്നതിലേക്കുള്ള അവസാനഘട്ട സ്പോട്ട് അലോട്ട്മെന്റ് എല്.ബി.എസ്സ് ജില്ലാ ഫെസിലിറ്റേഷന് സെന്ററുകളില് വച്ച് ജനുവരി 16ന് നടത്തും. വെബ്സൈറ്റില് പ്രസിദ്ധീകരിച്ചിട്ടുള്ള റാങ്ക് ലിസ്റ്റില് ഉള്പ്പെട്ട അപേക്ഷകര്ക്ക് രാവിലെ 11 മണിയ്ക്കകം ഏതെങ്കിലും എല്.ബി.എസ്സ് ജില്ലാ ഫെസിലിറ്റേഷന് സെന്ററുകളില് നേരിട്ട് ഹാജരായി സ്പോട്ട് അലോട്ട്മെന്റില് പങ്കെടുക്കാം. നേരിട്ട് ഹാജരാകാന് കഴിയാത്തവര് വെബ്സൈറ്റില് കൊടുത്തിട്ടുള്ള ഓതറൈസേഷന് ഫോം മുഖേന പങ്കെടുക്കാം. മുന് അലോട്ട്മെന്റുകള് വഴി ഏതെങ്കിലും സ്വാശ്രയ കോളേജുകളില് പ്രവേശനം ലഭിച്ചവര് നിര്ബന്ധമായും നിരാക്ഷേപപത്രം ഓണ്ലൈനായി അതത് കോളേജുകളില് നിന്നും ലഭ്യമാക്കണം. അലോട്ട്മെന്റ് ലഭിക്കുന്ന പക്ഷം അപ്പോള് തന്നെ ടോക്കണ് ഫീസ് ഒടുക്കണം. കൂടുതല് വിവരങ്ങള്ക്ക്: 0471-2560361, 362, 363, 364.
