പ്രയാഗ്രാജ്: മതേതരത്വത്തിന്റെ വക്താക്കളെന്ന് അവകാശപ്പെടുന്നവര് ബംഗ്ലാദേശിലെ അക്രമങ്ങളെക്കുറിച്ച് മൗനം പാലിക്കുകയാണെന്ന് ഉത്തര്പ്രദേശ് മുഖ്യമന്ത്രി യോഗി ആദിത്യനാഥ്. പ്രയാഗ്രാജില് രാമാനന്ദാചാര്യരുടെ 726-ാം ജന്മ വാര്ഷികാഘോഷത്തിന്റെ ഭാഗമായി സംഘടിപ്പിച്ച പൊതുസമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ബംഗ്ലാദേശില് അരങ്ങേറുന്ന ഹിന്ദു വേട്ടയെക്കുറിച്ച് പ്രതിപക്ഷത്തിന് ഒന്നുംതന്നെ പറയാനില്ല.
മെഴുകുതിരി മാര്ച്ചുകളോ പ്രതിഷേധങ്ങളോ ഇല്ല. അവര് സ്വന്തം കുടുംബങ്ങളെക്കുറിച്ച് മാത്രമേ ചിന്തിക്കൂ. മതേതരത്വത്തിന്റെ പേരില് ഈ ശക്തികള് ഹിന്ദു ധര്മത്തെ ദുര്ബലപ്പെടുത്താന് അക്ഷീണം പ്രവര്ത്തിക്കുന്നു. ഇത് നമുക്കും ഒരു മുന്നറിയിപ്പാണ്. ജാതിയുടെയോ മതത്തിന്റെയോ പേരില് സമൂഹത്തെ വിഭജിക്കുന്നത് സമ്പൂര്ണ്ണ നാശത്തിലേക്ക് നയിക്കുമെന്നും അദ്ദേഹം പറഞ്ഞു.
