തിരുവനന്തപുരം:ശബരിമല സ്വര്ണക്കൊള്ളയില് 13 ാം പ്രതി തന്ത്രി കണ്ഠരര് രാജീവരരെ തിരുവനന്തപുരം മെഡിക്കല് കോളേജ് ആശുപത്രിയില് നിന്നും ജയിലിലേക്ക് മാറ്റി.ആരോഗ്യനില തൃപ്തികരമെന്ന് പരിശോധിച്ചു ഉറപ്പാക്കിയ ശേഷമാണ് ഇത്.
തലകറക്കവും ക്ഷീണവും ഉണ്ടെന്ന് പറഞ്ഞ പശ്ചാത്തലത്തിലാണ് കണ്ഠരര് രാജീവരരെ ആദ്യം തിരുവനന്തപുരം ജനറല് ആശുപത്രിയിലും ഇ സി ജിയില് നേരിയ വ്യതിയാനം കണ്ടതിനെ തുടര്ന്ന് മെഡിക്കല് കോളേജ് ആശുപത്രിയിലേക്കും മാറ്റിയത്. നീരീക്ഷണത്തിനായി മെഡിക്കല് ഐ സി യുവില് പ്രവേശിപ്പിക്കുകയും ചെയ്തു.
തന്ത്രിക്കായി തിങ്കഴാഴ്ച കൊല്ലം വിജിലന്സ് കോടതിയില് കസ്റ്റഡി അപേക്ഷ നല്കാനാണ് പ്രത്യേക അന്വേഷണ സംഘത്തിന്റെ നീക്കം.ശനിയാഴ്ച തന്ത്രിയുടെ വീട്ടില് എട്ട് മണിക്കൂര് നീണ്ട പരിശോധന നടത്തിയിരുന്നു.
