ന്യൂദല്ഹി: ന്യൂദല്ഹി അന്താരാഷ്ട്ര പുസ്തകമേളയ്ക്ക് ഭാരതമണ്ഡപത്തില് തുടക്കമായി. കേന്ദ്രവിദ്യാഭ്യാസ മന്ത്രി ധര്മേന്ദ്രപ്രധാന് ഉദ്ഘാടനം ചെയ്തു. ഖത്തര് സാംസ്കാരിക മന്ത്രി അബ്ദുള്റഹ്മാന് ബിന് ഹമദ് ബിന് ജാസിം ബിന് അല്താനി, സ്പെയിന് സാംസ്കാരിക മന്ത്രി ഏണസ്റ്റ് ഉര്താസുന് ഡൊമെനെക് എന്നിവരുള്പ്പെടെ ചടങ്ങില് സംബന്ധിച്ചു. മേളയുടെ ചരിത്രത്തില് ആദ്യമായി ഇത്തവണ പ്രവേശനം സൗജന്യമാണ്. 18ന് സമാപിക്കും.
സ്വാതന്ത്ര്യത്തിന്റെ 75 വര്ഷം പിന്നിട്ട വേളയില് സൈന്യത്തിന് ആദരമായി ഭാരത സൈനിക ചരിത്രം: വീര്യവും ജ്ഞാനവും @75 എന്ന പ്രമേയത്തിലാണ് മേള സംഘടിപ്പിക്കുന്നത്. വന്ദേമാതരത്തിന്റെ 150-ാം വാര്ഷികം, സര്ദാര് വല്ലഭായ് പട്ടേലിന്റെ 150-ാം ജയന്തി എന്നിവയുടെ ഭാഗമായി പ്രത്യേക പ്രദര്ശനങ്ങളും മേളയില് ഉണ്ട്. ഒമ്പത് ദിവസത്തെ മേളയില് 35ലധികം രാജ്യങ്ങളില് നിന്നുള്ള ആയിരത്തിലധികം പ്രസാധകര് പങ്കെടുക്കുന്നു.
കേന്ദ്രവിദ്യാഭ്യാസ മന്ത്രാലയത്തിന് കീഴിലുള്ള നാഷണല് ബുക്ക് ട്രസ്റ്റാണ് സംഘാടകര്. ഖത്തറും സ്പെയിനും സംഘാടനവുമായി സഹകരിക്കുന്ന മേളയുടെ സഹസംഘാടകര് ഇന്ത്യ ട്രേഡ് പ്രൊമോഷന് ഓര്ഗനൈസേഷന് ആണ്.
