കോഴിക്കോട്: കേരളത്തില് പിഎസ്സി സംവിധാനത്തെ നോക്കുകുത്തിയാക്കി താത്കാലിക ജീവനക്കാരെ സ്ഥിരപ്പെടുത്താന് സംസ്ഥാന സര്ക്കാര് നടത്തുന്ന ശ്രമം യുവജനങ്ങളോടുള്ള വെല്ലുവിളിയാണെന്ന് യുവമോര്ച്ച സംസ്ഥാന ജനറല് സെക്രട്ടറി വരുണ് പ്രസാദ്. തദ്ദേശ സ്വയംഭരണ സ്ഥാപനങ്ങളിലെ ടെക്നിക്കല് അസിസ്റ്റന്റ്, അസിസ്റ്റന്റ് പ്രിസണ് ഓഫീസര് എന്നീ തസ്തികകളില് കരാര് ജീവനക്കാരെ സ്ഥിരപ്പെടുത്താന് നടത്തുന്ന ശ്രമം ഉദാഹരണങ്ങളാണ്.
തദ്ദേശ സ്വയംഭരണ വകുപ്പ്, പൊതുവിതരണ വകുപ്പ്, ആരോഗ്യ വകുപ്പ്, വിദ്യാഭാസ വകുപ്പ് തുടങ്ങി പ്രധാന വകുപ്പുകളിലെല്ലാം പ്രവര്ത്തിച്ചു കൊണ്ടിരിക്കുന്ന താത്കാലിക ജീവനക്കാരെയാണ് ഇത്തരത്തില് പിന്വാതില് നിയമനം നടത്താന് സര്ക്കാര് ശ്രമിക്കുന്നത്. മെറിറ്റിന് പകരം പാര്ട്ടി അനുഭാവം മാനദണ്ഡമാക്കുന്ന നടപടി യുവാക്കളോടുള്ള നീതി നിഷേധമാണ്. ഇത് ഒരുകാരണവശാലും അനുവദിക്കാന് സാധിക്കില്ല. യുവാക്കള് കേരളം വിട്ടു മറ്റ് സ്ഥലങ്ങളിലേക്ക് ചേക്കേറുന്നതിന് കാരണം ഇവിടുത്തെ അവരുടെ ജീവിത നിലവാരത്തെ ഉയര്ത്തിപ്പിടിക്കാനുള്ള സാഹചര്യം സര്ക്കാരുകള്ക്ക് സൃഷ്ടിക്കാന് സാധിക്കാത്തതുകൊണ്ടാണ്.
മികച്ച പഠനം പൂര്ത്തിയാക്കി പിഎസ്സി റാങ്ക് ലിസ്റ്റില് വന്നിട്ടും ജോലി ലഭിക്കാതെ നാടുവിടേണ്ട അവസ്ഥ കേരളത്തിലെ യുവാക്കള് അനുഭവിക്കുകയാണ്. ഇത് സൃഷ്ടിക്കുന്നത് ഇടതുപക്ഷ സര്ക്കാരാണ്. ഈ പ്രവണത അവസാനിപ്പിക്കുന്നില്ലെങ്കില് ശക്തമായ സമരപരിപാടികളുമായി മുന്നോട്ടു പോകുമെന്നും അദ്ദേഹം പ്രസ്താവനയില് പറഞ്ഞു.
