പാലക്കാട്: പീഡനക്കേസില് രാഹുല് മാങ്കൂട്ടത്തില് എംഎല്എ കസ്റ്റഡിയില്. പാലക്കാട് നഗരത്തിലെ ഹോട്ടലില് നിന്നും പ്രത്യേക അന്വേഷണ സംഘമാണ് രാഹുല് മാങ്കൂട്ടത്തിലിനെ കസ്റ്റഡിയില് എടുത്തിരിക്കുന്നത്. വനിത പോലീസ് ഉള്പ്പെടേയുള്ള സംഘം രാഹുല് താമസിച്ചിരുന്ന ഹോട്ടലിലേക്ക് രാത്രി 12 മണിയോടെ എത്തുകയായിരുന്നു. പാലക്കാട് കെപിഎം ഹോട്ടലിൽ നിന്നാണ് പത്തനംതിട്ട പോലീസ് രാഹുലിനെ കസ്റ്റഡിയിൽ എടുത്തത്.
പത്തനംതിട്ട സ്വദേശിനിയാണ് പുതിയ പരാതി നൽകിയതെന്നാണ് വിവരം. പുതിയ പരാതിയിലാണ് പ്രത്യേക അന്വേഷണ സംഘത്തിന്റെ നടപടി. ലൈംഗിക പീഡനം, ഗർഭചിദ്രം, സാമ്പത്തിക ചൂഷണം തുടങ്ങിയ കുറ്റങ്ങൾ ചുമത്തി. പുറത്തു പറഞ്ഞാൽ പിതാവിനെ അപായപ്പെടുത്തുമെന്നും ഭീഷണി മുഴക്കിയതായും പരാതിയില് പറയുന്നു. രാഹുലിനെതിരായ നിർണ്ണായക തെളിവുകള് പരാതിക്കാരിയായ യുവതി അന്വേഷണ സംഘത്തിന് കൈമാറിയിട്ടുണ്ട്. പത്തനംതിട്ടയിൽ എഫ്ഐആർ രജിസ്റ്റ ചെയ്ത ശേഷം കേസ് ക്രൈംബ്രാഞ്ചിന് കൈമാറുകയായിരുന്നുവെന്നാണ് വിവരം.
