ലണ്ടന്: ബ്രിട്ടീഷ് സര്വകലാശാലകള് ഭീകരവാദത്തിന്റെ കളരികളാകുകയാണെന്ന് യുഎഇ. ഈ സാഹചര്യത്തില്, യുഇഎ പൗരന്മാരായ വിദ്യാര്ത്ഥികള് ഇസ്ലാമിക ഭീകരവാദത്തിലേക്ക് ആകൃഷ്ടരാകാതിരിക്കാന് യുഎഇ നടപടി തുടങ്ങി.
ബ്രിട്ടീഷ് സര്വകലാശാലകളിലേക്ക് യുഎഇയിലെ വിദ്യാര്ത്ഥികള് പോകുന്നത് നിരുത്സാഹപ്പെടുത്താനാണ് പദ്ധതി. ഇതിന്റെ ഭാഗമായി ബ്രിട്ടീഷ് സര്വകലാശാലകളെ യുഎഇ സ്കോളര്ഷിപ്പ് പട്ടികയില് നിന്ന് ഒഴിവാക്കി. ഈ പട്ടികയിലുള്ള സര്വകലാശാലകളില് പഠിക്കാന് പോകുന്നവര്ക്ക് യുഎഇ ഭരണകൂടം പ്രത്യേക സ്കോളര്ഷിപ്പുകള് നല്കുന്നുണ്ട്. ഈ പട്ടികയില് നിന്നാണ് ബ്രിട്ടീഷ് സര്വകലാശാലകളെ യുഎഇ ഒഴിവാക്കിയത്.
യുഎസ്, ആസ്ട്രേലിയ, ഫ്രാന്സ്, ഇസ്രയേല് എന്നിവിടങ്ങളിലെ സര്വകലാശാലകള് പട്ടികയിലുണ്ട്. യുഎഇയിലെ കുട്ടികളെ ബ്രിട്ടീഷ് സര്വകലാശാലകളിലൂടെ ഇസ്ലാമിക ഭീകരവാദികളാക്കാന് അവര് ആഗ്രഹിക്കുന്നില്ല. ഒരു പ്രമുഖന് പറഞ്ഞു.
