ന്യൂദല്ഹി: ഹെവി എര്ത്ത് മൂവിംഗ് മെഷിനറികള്, എക്സ്കവേറ്ററുകള്, ഡമ്പറുകള്, ലോഡറുകള്, ഡോസറുകള് തുടങ്ങിയവ നിര്മ്മാണ ഉപകരണങ്ങളാണെന്നും ‘മോട്ടോര് വാഹനങ്ങള്’ അല്ലെന്നും സുപ്രീം കോടതി. അതിനാല് റോഡ് നികുതി അടയ്ക്കാന് ബാധ്യസ്ഥമല്ലെന്നും കോടതി വിധിച്ചു. ഫാക്ടറിക്കുള്ളിലോ അടച്ചിട്ട സ്ഥലത്തോ മാത്രമായി ഉപയോഗിക്കുന്ന ഇത്തരം ഉപകരണങ്ങളെ മോട്ടോര് വാഹന നിയമത്തിലെ സെക്ഷന് 2(28) പ്രകാരം മോട്ടോര് വാഹനങ്ങളുടെ നിര്വചനത്തില് പെടുത്താനാവില്ല. അള്ട്രാടെക് സിമന്റ് ലിമിറ്റഡിന്റെ ഹര്ജി അനുവദിച്ചുകൊണ്ടാണ് ജസ്റ്റിസുമാരായ പങ്കജ് മിത്താലും പ്രസന്ന ബി വരാലെയും അടങ്ങുന്ന ബെഞ്ചിന്റെ ഉത്തരവ്. അള്ട്രാടെക്കിന്റെ പ്ലാന്റ് സൈറ്റുകളുടെ പ്രവര്ത്തനം സുഗമമാക്കുന്നതിന് അടച്ചിട്ട പരിസരത്ത് മാത്രം ഈ യന്ത്രങ്ങള് ഉപയോഗിച്ചിട്ടും, അവയ്ക്ക് കോടിക്കണക്കിന് രൂപ റോഡ് നികുതി നല്കണമെന്ന് സര്ക്കാര് ആവശ്യപ്പെട്ടിരുന്നു. ഇക്കാര്യം ഗുജറാത്ത് ഹൈക്കോടതി ശരിവയ്ക്കുകയും ചെയ്തിരുന്നു. ഇത് റദ്ദാക്കിക്കൊണ്ടാണ് സുപ്രീം കോടതിയുടെ ഉത്തരവ്.
ഫാക്ടറിക്കുള്ളില് ഉപയോഗിക്കുന്ന മൂവിംഗ് മെഷിനറികള് ‘മോട്ടോര് വാഹനങ്ങള്’ അല്ലെന്ന് സുപ്രീം കോടതി, റോഡ് ടാക്സ് വേണ്ട
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.