പാലക്കാട്: സ്വന്തം ഭാര്യ പോലും വോട്ട് ചെയ്യാത്ത തങ്കപ്പന് സീറ്റ് നല്കരുതെന്നാവശ്യപ്പെട്ട് ഡിസിസി ഓഫീസ് പരിസരത്ത് പോസ്റ്ററുകള്. നിയമസഭാ തെരഞ്ഞെടുപ്പില് പാലക്കാട്ട് ഡിസിസി പ്രസിഡന്റ് എ തങ്കപ്പനെ മല്സരിപ്പിക്കുമെന്ന വാര്ത്തകള് വരുന്നതിനിടെയാണ് പോസ്റ്ററുകള് പ്രത്യക്ഷപ്പെട്ടത്. രാഹുല് മാങ്കൂട്ടത്തില് വീണ്ടും പാലക്കാട്ട് മല്സരിച്ചേക്കുമെന്നും അഭ്യൂഹം ഉയര്ന്ന സാഹചര്യത്തില് ഒരു വിഭാഗം കോണ്ഗ്രസ് പ്രവര്ത്തകര് തന്നെയാണ് പോസ്റ്ററിനു പിന്നിലെന്നാണ് നേതൃത്വം കരുതുന്നത്. എ തങ്കപ്പന് മത്സരിക്കണമെന്ന നിലപാടിലാണ് ഡിസിസി. ഇക്കാര്യം കേരളത്തിന്റെ ചുമതലയുള്ള ദീപദാസ് മുന്ഷിയെ അറിയിച്ചതായും വാര്ത്തയുണ്ടായിരുന്നു. ഇതേത്തുടര്ന്നാണ് തങ്കപ്പനെതിരെ സൈബര് ആക്രമണമുണ്ടായതും പിന്നാലെ പോസ്റ്ററുകള് പ്രത്യക്ഷപ്പെട്ടതും.
സ്ഥാനാര്ത്ഥി പ്രഖ്യാപനത്തിനു മുന്പേ പാലക്കാട്ട് കോണ്ഗ്രസില് പോര്, ഡിസിസി പ്രസിഡന്റിനെതിരെ പോസ്റ്റര്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.