കൊല്ലം: ട്രെയിനിലും റെയില്വേ സ്റ്റേഷനിലും വിതരണം ചെയ്യുന്ന ഭക്ഷണത്തിന്റെ ശുചിത്വം, ഗുണനിലവാരം എന്നിവ നിരീക്ഷിക്കാന് സിസിടിവി സജ്ജമാക്കാന് ദക്ഷിണ റെയില്വേ നിര്ദേശം നല്കി. പാചകത്തിന് ഉപയോഗിക്കുന്ന സാധനങ്ങള്, സാധനങ്ങള്, സംഭരിക്കുന്ന സ്ഥലം, ശുചീകരണരീതികള് എന്നിവ സിസിടിവി റെക്കോഡ് ചെയ്യും.
ട്രെയിനുകളിലും സ്റ്റേഷനിലും നല്കുന്ന ഭക്ഷണത്തിന്റെ ഗുണനിലവാരം, അളവ്, ശുചിത്വം എന്നിവ ഉറപ്പുവരുത്തണമെന്ന് ആവശ്യപ്പെട്ട് എന്.കെ. പ്രേമചന്ദ്രന് എംപി ദക്ഷിണ റെയില്വേയ്ക്ക് കത്തു നല്കിയിരുന്നു. ഇതിന് ജനറല് മാനേജര് ആര്.എന്. സിങ് നല്കിയ മറുപടിയിലാണ് ഇക്കാര്യം അറിയിച്ചത്.
.
