കൊച്ചി: യു ഡി എഫ് അധികാരത്തിലെത്തിയാല് ജമാഅത്തെ ഇസ്ലാമിയാകും ആഭ്യന്തരം ഭരിക്കുകയെന്ന് പറഞ്ഞ സിപിഎം നേതാവ് എ കെ ബാലന് വക്കീല് നോട്ടീസ്.ഒരു കോടി രൂപ നഷ്ടപരിഹാരം ആവശ്യപ്പെട്ട് ജമാഅത്തെ ഇസ്ലാമി സെക്രട്ടറി മുഹമ്മദ് സാഹിബ് ആണ് നോട്ടിസ് അയച്ചത്.
പ്രസ്താവന ഏഴ് ദിവസത്തിനകം പിന്വലിച്ച് പരസ്യമായി മാപ്പ് പറയണം. ക്ഷമാപണം നടത്തിയില്ലെങ്കില് ക്രിമിനല് കേസ് നടപടികളുമായി മുന്നോട്ടു പോകുമെന്നും നോട്ടീസില് പറയുന്നു.
ആഭ്യന്തരം ജമാ അത്തെ ഇസ്ലാമി ഭരിച്ചാല് പല മാറാടുകളുണ്ടാവുമെന്നും ബാലന് പറയുകയുണ്ടായി. എ കെ ബാലന്റെ പ്രസ്താവനക്കെതിരെ പ്രതിപക്ഷ നേതാവും ജമാഅത്തെ ഇസ്ലാമി അമീറും രംഗത്ത് വന്നിരുന്നു. വര്ഗീയ വിഭജനത്തിനാണ് സിപിഎം നീക്കമെന്ന് പ്രതിപക്ഷ നേതാവ് വി ഡി സതീശന് ആരോപിച്ചു. ബാലന് അഭിനവ ഗീബല്സ് ആകരുതെന്നാണ് ജമാഅത്തെ ഇസ്ലാമി അമീര് പറഞ്ഞത്. ബാലന് കേരളത്തോട് മാപ്പു പറയണമെന്നും ആവശ്യപ്പെട്ടു.
