തിരുവനന്തപുരം: തിരുവനന്തപുരം നഗരസഭയില് ഫര്ണിച്ചര് വാങ്ങിയതിലും അഴിമതി. നഗരസഭയുടെ കീഴില് ഹെല്ത്ത് ആന്റ് വെല്നെസ്സ് സെന്ററുകള് (എച്ച്ഡബഌുസി) പ്രവര്ത്തനം ആരംഭിക്കുന്നതിന് വേണ്ടി ഫര്ണിച്ചര് വാങ്ങിയതിലാണ് മാനദണ്ഡങ്ങള് പാലിക്കാതെ മുന്ഭരണ സമിതി അഴിമതി നടത്തിയത്. സര്ക്കാര് അംഗീകൃത സ്ഥാപനങ്ങളായ സിഡ്കോ, കാഡ്കോ, ആര്ട്ട്കോ എന്നിവിടങ്ങളില് നിന്ന് ക്വട്ടേഷന് ലഭ്യമാക്കിയിരുന്നു. എന്നാല് ഏറ്റവും കുറവ് തുകയായ 2,96,243 രൂപ ക്വാട്ട് ചെയ്ത സിഡ്കോയെ ഒഴിവാക്കി 3,80,253 രൂപ ക്വാട്ട് ചെയ്ത കാഡ്കോയില് നിന്നാണ് ഫര്ണിച്ചറുകള് വാങ്ങിയത്.
19 ഇനം ഫര്ണിച്ചറുകളുടെ ആകെ വിലയാണ് കാഡ്കോ ക്വാട്ട ചെയ്ത 3,80,253 രൂപ. എന്നാല് 25 ഇനം ഫര്ണിച്ചറുകളുടെ ആകെ വിലയാണ് സിഡ്കോ ക്വാട്ട് ചെയ്ത 2,96,243 രൂപ. അതായത് 25 ഇനങ്ങളില് നിന്ന് ആവശ്യമായ 19 ഇനം ഫര്ണിച്ചറുകള് തെരഞ്ഞെടുക്കുമ്പോള് ആകെ തുകയായ 2,96,243 രൂപയില് നിന്നും ഇനിയും കുറയുമെന്നിരിക്കെയാണ് കൂടിയ തുക ക്വാട്ട് ചെയ്ത കാഡ്കോ എന്ന സ്ഥാപനത്തില് നിന്ന് കൂടിയ നിരക്കില് ഫര്ണിച്ചറുകള് വാങ്ങിയത്.
സിഡ്കോ എന്ന സ്ഥാപനത്തില് നിന്നുള്ള സാമ്പിളുകള് രണ്ട് കൗണ്സിലര്മാരും കഌന്സിറ്റി മാനേജരും ചേര്ന്ന് പരിശോധിച്ച് ഗുണനിലവാരം കുറവാണെന്ന് റിപ്പോര്ട്ട് ചെയ്തുകൊണ്ടുള്ള സാമ്പിള് പരിശോധനാ റിപ്പോര്ട്ടും കാഡ്കോ എന്ന സ്ഥാപനത്തിലെ മൂന്ന് കൗണ്സിലര്മാരും പബഌക് ഹെല്ത്ത് ഓഫീസറും പരിശോധിച്ച് ഗുണനിലവാരം ഉള്ളതാണെന്ന് രേഖപ്പെടുത്തിയ റിപ്പോര്ട്ടും തയ്യാറാക്കിയിട്ടുണ്ടെങ്കിലും സാമ്പിളുകള് പരിശോധിച്ചവര് റിപ്പോര്ട്ടുകള് ഒപ്പിട്ട് സാക്ഷ്യപ്പെടുത്തുകയോ പര്ച്ചേസ് കമ്മറ്റി അത് പരിശോധിച്ച് അംഗീകരിക്കുകയോ ചെയ്തിട്ടില്ല. കൂടാതെ സിഡ്കോയെ ഒഴിവാക്കിയതിന് വ്യക്തമായ കാരണങ്ങള് രേഖപ്പെടുത്തിയിട്ടുമില്ല. എന്നാല് പൂര്ണ്ണമല്ലാത്ത റിപ്പോര്ട്ടുകളുടെ അടിസ്ഥാനത്തില് ആരോഗ്യകാര്യ സ്റ്റാന്ഡിംഗ് കമ്മറ്റി കാഡ്കോയുടെ ഇന്വോയ്സ് അംഗീകരിക്കുന്നതിനായി കൗണ്സിലിലേക്ക് ശുപാര്ശ ചെയ്യുകയും കൗണ്സില് അതംഗീകരിക്കുകയും ചെയ്തു.
സര്ക്കാര് അംഗീകൃത സ്ഥാപനമായ സിഡ്കോയുടെ ഫര്ണിച്ചറുകള്ക്ക് ഗുണനിലവാരം ഇല്ല എന്ന് എപ്രകാരമാണ് ഉറപ്പിച്ചിട്ടുള്ളതെന്ന് വ്യക്തമാക്കിയിട്ടില്ല. ഗുണനിലവാരം സംബന്ധിച്ച് സാക്ഷിപത്രം ഹാജരാക്കാന് സിസിഡ്കോയോട് ആവശ്യപ്പെട്ടിട്ടുമില്ല. തദ്ദേശ സ്വയംഭരണ സ്ഥാപനങ്ങളില് സാധനങ്ങളും, സേവനങ്ങളും സമാഹരിക്കുന്നതിനുള്ള മാര്ഗ്ഗരേഖ പ്രകാരമുള്ള പര്ച്ചേസ് കമ്മറ്റിയില് നിന്ന് ഗുണനിലവാര പരിശോധന സര്ട്ടിഫിക്കറ്റിന് അംഗീകാരം ലഭിച്ചിട്ടില്ല. മാത്രവുമല്ല സര്ക്കാര് ഉത്തരവിന് വിരുദ്ധമായി സ്ഥാപനത്തിന്റെ നിര്മ്മാണ പരിധിയിലുള്പ്പെടാത്ത പഌസ്റ്റിക് ചെയറുകള് റഫ്രിജെറേറ്ററുകള് തുടങ്ങിയ സാധനസാമഗ്രികള് പ്രസ്തുത സ്ഥാപനത്തില് നിന്ന് വാങ്ങിയിട്ടുണ്ട്.
തദ്ദേശസ്ഥാപനങ്ങളില് സാധനങ്ങളും സേവനങ്ങളും സമാഹരിക്കുന്നതിനുള്ള മാര്ഗ്ഗരേഖ പ്രകാരം വ്യക്തമാക്കിയിട്ടുള്ളതാണ്. സ്റ്റോര് പര്ച്ചേസ് മാന്വല് പ്രകാരം പൊതു ആവശ്യങ്ങള്ക്കുള്ള വാങ്ങലുകളില് കാര്യക്ഷമത, മിതവ്യയം, ഉത്തരവാദിത്തം ഉറപ്പാക്കേണ്ടത് ബന്ധപ്പെട്ട ഉദ്യോഗസ്ഥന്റെ ചുമതലയാണ്. എന്നാല് ഫര്ണിച്ചറുകള് വാങ്ങിയതില് മാനദണ്ഡങ്ങള് പാലിക്കുന്നതില് വീഴ്ച വന്നിട്ടുള്ളതായി ആഡിറ്റ് റിപ്പോര്ട്ടില് പരാമര്ശമുണ്ട്.
ജന്മഭൂമി ഓണ്ലൈന്