തിരുവനന്തപുരം: തൊണ്ടിമുതലില് കൃത്രിമം കാട്ടിയതിന് കോടതി ശിക്ഷിച്ച മുന്മന്ത്രി അഡ്വ. ആന്റണി രാജുവിനെ എം എല് എ സ്ഥാനത്ത് നിന്ന് അയോഗ്യനാക്കി വിജ്ഞാപനമിറങ്ങി. നെടുമങ്ങാട് കോടതി 3 വര്ഷം തടവ് ശിക്ഷ വിധിച്ചതാണ് അയോഗ്യതയ്ക്ക് കാരണം.
രണ്ട് വര്ഷത്തില് കൂടുതല് കാലയളവില് ഏതെങ്കിലും കോടതി ശിക്ഷിച്ചാല് അയോഗ്യനെന്നാണ് സുപ്രീം കോടതിയുടെ നേരത്തെയുള്ള വിധി. ഇത് പ്രകാരമാണ് ആന്റണി രാജുവിന് എംഎല്എ സ്ഥാനം നഷ്ടമായത്.
കോടതി വിധി വിശദമായി പരിശോധിച്ച ശേഷം നിയമസഭാ സെക്രട്ടേറിയറ്റ് ആന്റണി രാജുവിനെ അയോഗ്യനാക്കി വിജ്ഞാപനം ഇറക്കുകയായിരുന്നു.ശിക്ഷിക്കപ്പെട്ടതിനാല് ജനപ്രാതിനിധ്യ നിയമപ്രകാരം ജനപ്രതിനിധിക്ക് രാജിവയ്ക്കാനുളള അവസരം നഷ്ടമാകും. ഇത്തരത്തില് അയോഗ്യനാകുന്ന കേരളത്തിലെ ആദ്യ ജനപ്രതിനിധി കൂടിയാണ് ആന്റണി രാജു.
വരുന്ന നിയമസഭാ തെരഞ്ഞെടുപ്പില് മത്സരിക്കാനും ആന്റണി രാജുവിന് കഴിയില്ല.മേല് കോടതികളില് നിന്ന് വിധിക്ക് സ്റ്റേ നേടിയാലും അയോഗ്യത നിലനില്ക്കും.തിരുവനന്തപുരം സെന്ട്രല് നിയമസഭാ മണ്ഡലത്തിലെ എംഎല്എയായിരുന്നു ആന്റണി രാജു.
