തിരുവനന്തപുരം: സോവിയറ്റ് യൂണിയന് ഉള്പ്പെടെയുള്ള കമ്മ്യൂണിസ്റ്റ് സര്ക്കാരുകള് ക്രിസ്ത്യന് വിശ്വാസികളേയും ക്രിസ്ത്യന് മതത്തേയും വേട്ടയാടിയിരുന്നു എന്ന് അല്ഫോണ്സ് കണ്ണന്താനം പറഞ്ഞപ്പോള് അത് വാട്സാപ് യൂണിവേഴ്സിറ്റിയാണെന്ന് മുന്മന്ത്രി ശൈലജ ടീച്ചര് കളിയാക്കിയിരുന്നു. പക്ഷെ ഇത് തെറ്റാണ്. അല്ഫോണ്സ് കണ്ണന്താനം 1979 ബാച്ചിലെ ഐഎഎസുകാരനാണ്. ചരിത്രം പഠിക്കാതെ ഐഎഎസ് കിട്ടില്ലെന്ന് അറിയുക.
ഇനി കാര്യത്തിലേക്ക് കടക്കാം. സോവിയറ്റ് യൂണിയന് ഉള്പ്പെടെയുള്ള എല്ലാ കമ്മ്യൂണിസ്റ്റ് രാജ്യങ്ങളും ക്രിസ്ത്യന് സമുദായത്തേയും ക്രിസ്ത്യാനികളേയും വേട്ടയാടിയിരുന്നു. കാരണം കമ്മ്യൂണിസം എന്നത് ഒരു നിരീശ്വരവാദ രാഷ്ട്രീയ പ്രസ്ഥാനമാണ്. അതിന് സിദ്ധാന്തം പകര്ന്ന കാറല് മാര്ക്സ് എഴുതിയത് മതം മനുഷ്യരെ മയക്കുന്ന കറുപ്പാണെന്നാണ്. സമൂഹത്തിലെ അസമത്വങ്ങള് കാണാനുള്ള കഴിവ് മതം നഷ്ടപ്പെടുത്തുന്നു, ദൈവവിശ്വാസം നഷ്ടപ്പെടുത്തുന്നു എന്നതാണ് കമ്മ്യൂണിസത്തിന്റെ അടിസ്ഥാന സിദ്ധാന്തം.
പഴയ കമ്മ്യൂണിസ്റ്റ് രാജ്യമായ സോവിയറ്റ് റഷ്യയില് എത്രയോ പള്ളികള് തകര്ത്തിരിക്കുന്നു പള്ളികള് തകര്ത്തും, പള്ളികളെ മറ്റ് സ്ഥാപനങ്ങളാക്കി മാറ്റിയും പുരോഹിതരെ ജയിലിലടച്ചും സിലബസില് നിരീശ്വരവാദം കടത്തിവിട്ട് പള്ളികളുടെ സ്വാധീനത്തില്നിന്നും അടുത്ത തലമുറയെ രക്ഷിക്കാനുള്ള പദ്ധതി നടപ്പാക്കിയും കമ്മ്യൂണിസം പല രീതികളില് ക്രിസ്തുമതത്തെയും വിശ്വാസികളെയും ഉന്മൂലനം ചെയ്യാന് ശ്രമിച്ചിട്ടുണ്ട്. റഷ്യ ഭരിച്ച ക്രൂരനായ കമ്മ്യൂണിസ്റ്റ് ഭരണാധികാരിയായ ജോസഫ് സ്റ്റാലിന്റെ കാലത്ത് ബോള്ഷെവിക്കുകള് അതിക്രൂരമായി പാതിരിമാരെ കൊന്നുതള്ളിയിരുന്നു. പള്ളികള് ഇടിച്ചുനിരത്തുകയും മറ്റ് സ്ഥാപനങ്ങാക്കി പരിവര്ത്തിപ്പിക്കുകയും ചെയ്തിരുന്നു. അവര് സായുധനിരീശ്വരവാദികളായിരുന്നു. വിശ്വാസം വിപ്ലവത്തെ തകര്ക്കുമെന്ന വിശ്വാസക്കാരായിരുന്നു ജോസഫ് സ്റ്റാലിന്റെ അനുയായികള്. സോവിയറ്റ് യൂണിയനില് കമ്മ്യൂണിസ്റ്റുകാര് ക്രിസ്തീയ പുരോഹിതരെ വേട്ടയാടിയിരുന്നു എന്ന കാര്യം വിവരിക്കുന്ന എത്രയോ തെളിവുകളും പുസ്തകങ്ങളും ഉണ്ട്. ജോര്ജി വിന്സ് എഴുതിയ ദ ഗോസ്പല് ഇന് ബോണ്ട്സ് (The Gospel in Bonds), സെര്ഗി കുര്ഡകോവ് രചിച്ച ദ പെര്സിക്യൂട്ടര് (The Persecutor) (കമ്മ്യൂണിസ്റ്റ് സോവിയറ്റ് യൂണിയിനിലെ മതപുരോഹിതരെ പീഢിപ്പിച്ച കെജിബി ഓഫീസറായിരുന്നു ഇദ്ദേഹം- പിന്നീട് ഇയാള് അമേരിക്കയിലെ ക്രിസ്തുമതപ്രചാരകനായി), മൈക്കേല് പോള്സ്കിയുടെ ദ ന്യൂ മാര്ടയേഴ്സ് ഓഫ് റഷ്യ (The New Martyrs of Russia) എന്നീങ്ങനെ സോവിയറ്റ് റഷ്യയിലെ ക്രിസ്തുമതത്തിനെതിരായ പീഢനങ്ങള് വിവരിക്കുന്ന എത്രയോ പുസ്തകങ്ങള് ഉണ്ട്.
ഒരു ടിവി ചാനല് ചര്ച്ചയില് സോവിയറ്റ് റഷ്യയും കമ്മ്യൂണിസ്റ്റ് ചൈനയും കിഴക്കന് യൂറോപ്പിലെ കമ്മ്യൂണിസ്റ്റ് രാജ്യങ്ങളും ആയിരക്കണക്കിന് ക്രിസ്തീയപുരോഹിതരെയും വിശ്വാസികളെയും കൊന്നൊടുക്കി എന്ന് അല്ഫോണ്സ് കണ്ണന്താനം പറഞ്ഞപ്പോള് ശൈലജ ടീച്ചര് ചരിത്രം കൊണ്ട് അതിനെ എതിര്ത്തു എന്നാണ് ദേശാഭിമാനി എഴുതിയിരിക്കുന്നത്. കമ്മ്യൂണിസ്റ്റ് രാജ്യങ്ങളല്ല, മറിച്ച് ഹിറ്റ് ലറാണ് ക്രിസ്ത്യന് മതപുരോഹിതരെയും ക്രിസ്തുമതവിശ്വാസികളെയും കൊന്നൊടുക്കിയത് എന്ന് ശൈലജടീച്ചര് ചരിത്രബോധത്തോടെ വാദിച്ചു എന്ന നുണയാണ് ദേശാഭിമാനി തട്ടിവിട്ടിരിക്കുന്നത്.
ഇനി കമ്മ്യൂണിസ്റ്റുകാര് കഴിഞ്ഞാല് ക്രിസ്ത്യന് മതത്തിനും പുരോഹിതര്ക്കും ആരാധനാലയങ്ങള്ക്കും മുറിവേല്പിച്ചത് ഇസ്ലാമിസ്റ്റുകളാണ്. ഈസ്റ്റേണ് ഓര്ത്തഡോക്സ് ചര്ച്ചിനെഗ്ര ഹേഗിയ സോഫിയ മോസ്കാക്കി മാറ്റിയത് ഉള്പ്പെടെയുള്ള ചരിത്രം നമുക്കറിയാം. പഴയ ഇസ്ലാമിക ഭരണാധികാരികളുടെ പടയോട്ടങ്ങളില് തകര്ന്ന പള്ളികള് എത്രയാണ്. ഗ്രീസിലെ പാര്തിനോന് പള്ളി ഇതിന് മറ്റൊരു ഉദാഹരണമാണ്. സ്പെയിനിലെ കോര്ഡോബ മോസ്ക് പഴയ ചരിത്രപ്രസിദ്ധമായ ക്രിസ്ത്യന് ചര്ച്ചായിരുന്നു. യൂറോപ്യന് രാജ്യങ്ങളുടെ ചരിത്രത്തില് എത്രയോ ചര്ച്ചുകള് മോസ്കുകളായിരിക്കുന്നു എന്ന് ചരിത്രം പഠിച്ച വിദ്യാര്ത്ഥികള്ക്കറിയാം.
