കോട്ടയം: താന് ചെയ്യുന്ന കാര്യങ്ങളെയെല്ലാം മാധ്യമങ്ങള് പരിഹസിക്കുകയാണെന്ന് മുന് മാധ്യമപ്രവര്ത്തകയായ ആരോഗ്യ മന്ത്രി വീണാ ജോര്ജ്ജിന്റെ പരിദേവനം. ചില മാധ്യമങ്ങള് നല്ല കാര്യങ്ങള് ഒരിക്കലും റിപ്പോര്ട്ട് ചെയ്യാറില്ലെന്നും അവര് പറയുന്നു. എന്നാല് ജനങ്ങള് കാര്യങ്ങളെ പോസിറ്റീവായാണ് സ്വീകരിക്കുന്നതെന്നും പല സ്ഥലങ്ങളിലും വച്ച് സ്ത്രീകള് വന്ന് പിന്തുണ അറിയിക്കാറുണ്ടെന്നും മന്ത്രി ഒരു മാധ്യമത്തിന് നല്കിയ അഭിമുഖത്തില് അവകാശപ്പെട്ടു.
ഒരു സര്ക്കാര് ആരോഗ്യ കേന്ദ്രത്തില് ചെന്നപ്പോള് 152 രൂപയ്ക്ക് മുഴുവന് പരിശോധനകളും പൂര്ത്തിയാക്കാന് സാധിച്ചതിനെക്കുറിച്ചും അവിടുത്തെ ജീവനക്കാരുടെ പെരുമാറ്റത്തെക്കുറിച്ചും ഒരു മാധ്യമ പ്രവര്ത്തകന് എനിക്ക് സന്ദേശമയച്ചിരുന്നു. എന്നാല് ഇതു വാര്ത്തയാക്കാമോയെന്ന് ചോദിച്ചപ്പോള്, അദ്ദേഹം ഒരു സ്മൈലി ഇമോജി അയക്കുക മാത്രമാണ് ചെയ്തതെന്ന് മന്ത്രി പറഞ്ഞു.
