ന്യൂദല്ഹി: ദല്ഹിയില് കാര്സ്ഫോടനം നടത്തിയ ഇസ്ലാമിക ഭീകരരായ ഡോക്ടര്മാര് രോഗികള്ക്ക് മരുന്നു കുറിക്കുമ്പോള് അതില് ആര്എക്സ് എന്ന് എഴുതിയാലും അവരുടെ പോക്കറ്റിലിരിക്കുന്നത് ആര്ഡിഎക്സാണെന്ന് കേന്ദ്ര പ്രതിരോധമന്ത്രി രാജ് നാഥ് സിങ്ങ്. വെള്ളിയാഴ്ച ഭോപാലിലെ നോബിള് യൂണിവേഴ്സിറ്റിയിലെ സ്ഥാപകദിനാഘോഷം ഉദ്ഘാടനം ചെയ്യുകയായിരുന്നു അദ്ദേഹം.
ഉന്നതവിദ്യാഭ്യാസമുള്ളവര് സാമൂഹ്യവിരുദ്ധ, ദേശവിരുദ്ധ പ്രവര്ത്തനങ്ങളില് ഏര്പ്പെടുകയാണെന്നും ഇത്തരം വെള്ളക്കോളര് തീവ്രവാദത്തെ ഇന്ത്യ അംഗീകരിക്കുന്ന പ്രശ്നമില്ലെന്നും രാജ് നാഥ് സിങ്ങ് പറഞ്ഞു. ദല്ഹി കാര്ബോംബ് സ്ഫോടനത്തിന് പിന്നില് എല്ലാവരും ഡോക്ടര്മാരായിരുന്നു. മൂല്യങ്ങള് ഒപ്പം പകര്ന്നുനല്കാന് കഴിയാത്ത ഉന്നതവിദ്യാഭ്യാസം സമൂഹത്തിന് ആപത്തായി മാറാന് സാധ്യതയുണ്ടെന്നതിന് തെളിവാണിതെന്നും അദ്ദേഹം പറഞ്ഞു.
വിദ്യാഭ്യാസം കൊണ്ട് മാത്രം സദാചാര സ്വഭാവം ഉണ്ടാകണമെന്നില്ലെന്നതിന് തെളിവാണ് നവമ്പര് 10ന് ചെങ്കോട്ടയ്ക്കടുത്ത് നടന്ന കാര്ബോംബ് സ്ഫോടനം. ഇതിന് പിന്നില് പ്രവര്ത്തിച്ചവര് എല്ലാവരും ഡോക്ടര്മാരായിരുന്നു. – അദ്ദേഹം പറഞ്ഞു.
ഹരിയാനയില് പ്രവര്ത്തിച്ചിരുന്ന അല്ഫലാഹ് യൂണിവേഴ്സിറ്റിയില് ഡോക്ടര്മാരായി പ്രവര്ത്തിച്ചിരുന്ന ഉമന്നബി, മുസമ്മില് ഷക്കീല്, അദീല് റാതര്, ഷഹീന ഷഹീദ് എന്നിവരായിരുന്നു പ്രധാന പ്രതികള്. സ്ഫോകടവസ്തുക്കള് കുത്തിനിറച്ച ഒരു ഹ്യൂണ്ടായ് ഐ20 കാറില് സ്ഫോടനം നടത്തുകയായിരുന്നു പ്രതികള്. തല്ക്ഷണം 15 പേര് കൊല്ലപ്പെട്ടു. അപായകരമായ രീതിയിലാണ് രാജ്യത്ത് വെള്ളക്കോളര് തീവ്രവാദം വളരുന്നതെന്നും രാജ് നാഥ് സിങ്ങ് പറഞ്ഞു.
