കൊച്ചി : സിപിഎം ബന്ധമുള്ള പൊലീസ് ഉദ്യോഗസ്ഥരുടെ സഹായത്തോടെ എസ്ഐടിയില് കടന്നുകയറി അന്വേഷണ രഹസ്യങ്ങള് ചോര്ത്താനുള്ള ശ്രമമാണ് സിപിഎം നടത്തുന്നതെന്ന് പ്രതിപക്ഷ നേതാവ് വി ഡി സതീശന് ആരോപിച്ചു. ശബരിമലയിലെ സ്വര്ണക്കൊള്ള അന്വേഷണത്തില് മുഖ്യമന്ത്രിയുടെ ഓഫീസ് ഇടപെട്ടിട്ടില്ലെന്നും അന്വേഷണം തടസപ്പെടുത്തിയിട്ടില്ലെന്നുമുള്ള പിണറായി വിജയന്റെ വാദം അവാസ്തവമാണ്. മുഖ്യമന്ത്രിയുടെ ഓഫീസ് നിരന്തരമായി എസ്ഐടിയുടെ അന്വേഷണം തടസപ്പെടുത്താന് ശ്രമിക്കുകയും അന്വേഷണസംഘത്തിനു മേല് സമ്മര്ദ്ദം ചെലുത്തുകയും ചെയ്യുന്നുണ്ട്.
സിപിഎം നേതാക്കളെ രക്ഷിക്കാനുള്ള ശ്രമമാണ് സര്ക്കാര് നടത്തുന്നത്. ,
കോടതി പിടിച്ചില്ലായിരുന്നെങ്കില് അയ്യപ്പന്റെ തങ്കവിഗ്രഹം വരെ ഇവര് അടിച്ചു മാറ്റിയേനെ. സ്വര്ണം കട്ടത് സിപിഎമ്മാണ്. അതില് മാറ്റാരെയും അവര് പങ്കാളികളാക്കിയിട്ടില്ല. മൂന്ന് സിപിഎം നേതാക്കളാണ് സ്വര്ണം കട്ടതിന് ജയിലില് കിടക്കുന്നത്. ഇപ്പോള് ചോദ്യം ചെയ്തവരെ അറസ്റ്റു ചെയ്യേണ്ടി വരും.സതീശന് പറഞ്ഞു.
