തിരുവനന്തപുരം: പുതുവര്ഷപ്പിറവി ആഘോഷിക്കാന് മലയാളി ഒറ്റരാത്രിയില് കുടിച്ചുതീര്ത്തത് 105 കോടി രൂപയുടെ മദ്യമെന്ന് കണക്കുകള്.
സര്ക്കാരിന്റെ മദ്യവില്പനശാലയായ ബെവ് കോയുടെ കണക്ക് പ്രകാരമാണ് ന്യൂഇയര് ദിനത്തില് മദ്യവില്പനയില് കേരളം റെക്കോഡിട്ടത്. ബെവ് കോ വഴിയല്ലാതെ നടന്ന മദ്യവില്പനയുടെ കണക്കുകൂടി എടുത്ത് ഇത് 150 കോടി കടന്നേക്കുമെന്നും പറയുന്നു.
ഡിസംബര്31ന് മാത്രം ബെവ് കോ വഴി നടന്ന മദ്യ വില്പനയാണ് 105.78 കോടിയുടേത്. കഴിഞ്ഞ വര്ഷത്തെ റെക്കോഡാണ് മലയാളി ഇക്കുറി തകര്ത്തത്. 2024 ഡിസംബര് 31ന് 97.13 കോടി രൂപയുടെ വില്പനയാണ് നടന്നത്. ഇക്കുറി എട്ടരക്കോടിയുടെ അധിക വില്പന നടന്നാണ് 105.78 കോടിയില് എത്തിയത്.
ഇതില് ഏറ്റവും കൂടുതല് വിറ്റത് ഇന്ത്യന് നിര്മ്മിത വിദേശമദ്യമാണ്-92.89 കോടി രൂപ.ബിയല് വില്പന മാത്രം 9.88 കോടിയുടേതാണ്. വിലകൂടിയ വിദേശനിര്മ്മിത മദ്യം 1.58 കോടി രൂപയുടെ വില്പന നടന്നപ്പോള് വൈന് വില്പനയിലൂടെ ബെവ് കോ 1.40 കോടി രൂപ നേടി. വിദേശനിര്മ്മിതമായ വില കൂടിയ വൈന് 5.95 ലക്ഷം രൂപയുടേത് വിറ്റഴിച്ചു.
