കോട്ടയം:വീട്ടില് ഊണ് ഹോട്ടല് ബോര്ഡ് വച്ച് മദ്യക്കച്ചവടം നടത്തിയ ആള് പിടിയിലായി. മദ്യനിരോധന ദിവസമായ മാസത്തിലെ ആദ്യദിനവും പുതുവത്സരവും ഒന്നിച്ചുവന്നപ്പോള് ഇരട്ടി ലാഭത്തിലാണ് അനധികൃത കച്ചവടം.
രഹസ്യ വിവരം ലഭിച്ചതിനെ തുടര്ന്ന് എക്സൈസ് സംഘം എത്തി വിശദ പരിശോധന നടത്തിയതോടെ ഒളിപ്പിച്ചുവച്ചിരുന്ന 76 കുപ്പി മദ്യം കണ്ടെടുത്തു.മണിമലയ്ക്ക് സമീപം കറിക്കാട്ടൂരിലാണ് വീട്ടില് ഊണ് ഹോട്ടലിന്റെ മറവില് മദ്യ വില്പന നടത്തിയത് പിടികൂടിയത്. ഹോട്ടല് ഉടമ വി.എസ്. ബിജുമോനെ എക്സൈസ് സംഘം അറസ്റ്റ് ചെയ്തു. കോടതിയില് ഹാജരാക്കിയ ഇയാളെ റിമാന്ഡ് ചെയ്തു.
വീടിന്റെ മുകള് നിലയില് രഹസ്യ അറകളില് ഒളിപ്പിച്ച നിലയിലായിരുന്നു മദ്യം സൂക്ഷിച്ചിരുന്നത്. സര്ക്കാര് മദ്യവില്പന ശാലയില് നിന്നും പല തവണകളിലായി മദ്യം വാങ്ങി വീട്ടില് ശേഖരിച്ച് കൂടിയ വിലയ്ക്ക് അന്യസംസ്ഥാന തൊഴിലാളികള്ക്കും സെയില്സ് വാഹനത്തിലെ ഡ്രൈവര്മാര്ക്കും വില്ക്കുകയായിരുന്നു.
