കോട്ടയം: എംഡിഎംഎയുമായി ഇതര സംസ്ഥാന തൊഴിലാളി ഉള്പ്പെടെ മൂന്ന് പേര് പോലീസിന്റെ പിടിയിലായി. വേളൂര് സ്വദേശി രഞ്ജിത്ത് തമ്പി (32), അയ്മനം സ്വദേശി ജയരാജ് ,ആസാം സ്വദേശിയായ ആമിര് ഹുസൈന് എന്നിവരാണ് പിടിയിലായത്. വേളൂര് കളപ്പുരയ്ക്കല് ഭാഗത്ത് നിന്നും കോട്ടയം വെസ്റ്റ് പോലീസ് സ്റ്റേഷന് സബ് ഇന്സ്പെക്ടര് ഹരികൃഷ്ണനും സംഘവുമാണ് പ്രതികളെ പിടികൂടിയത്. രഞ്ജിത്ത് തമ്പിക്കെതിരെ കുമരകം, ഗാന്ധിനഗര്, കോട്ടയം വെസ്റ്റ് എന്നീ പോലീസ് സ്റ്റേഷനുകളില് കേസുകളുണ്ട്.
രണ്ടാം പ്രതി ജയരാജിനെതിരെ ഗാന്ധിനഗര് പോലീസ് സ്റ്റേഷനിലും, കോട്ടയം വെസ്റ്റ് പോലീസ് സ്റ്റേഷനിലും കേസുകള് നിലവിലുണ്ട്. കോടതിയില് ഹാജരാക്കിയ പ്രതികളെ റിമാന്ഡ് ചെയ്തു.
