വെള്ളറട: ഗൂഗിള് പേവഴി പണം നല്കിയത് പരാജയപ്പെട്ടതിനെ തുടര്ന്ന് രാത്രിയില് കെഎസ്ആര്ടിസി ബസില് നിന്ന് വഴിയിലിറക്കി വിട്ട സംഭവത്തില് നടപടി. യുവതിയുടെ പരാതിയുടെ അടിസ്ഥാനത്തില് വെള്ളറട ഡിപ്പോയിലെ എംപാനല് കണ്ടക്ടര് നെല്ലിമൂട് സ്വദേശി സി അനില് കുമാറിനെ സര്വീസില് നിന്ന് പിരിച്ചുവിട്ടു.
ഗതാഗത വകുപ്പ് ഉന്നതോദേ്യാഗസ്ഥര്ക്ക് ലഭിച്ച പരാതിയെ തുടര്ന്ന് കെഎസ്ആര്ടിസി വിജിലന്സ് ഉദ്യോഗസ്ഥര് സ്ഥലത്തെത്തി അന്വേഷണം നടത്തി റിപ്പോര്ട്ട് സമര്പ്പിച്ചിരുന്നു. കുന്നത്തുകാലിലെ സ്വകാര്യ ക്ലിനിക്കില് ജോലി ചെയ്യുന്ന വെള്ളറട അഞ്ചുമരങ്കാല സ്വദേശിയായ ദിവ്യയെയാണ് ഇക്കഴിഞ്ഞ 26ന് ബസില് നിന്ന്ഇറക്കിവിട്ടത്. ആശുപത്രിയില് ചികിത്സയ്ക്ക് പോയശേഷം രാത്രി 8.45ന് കൂനമ്പന ബസ് സ്റ്റോപ്പില് നിന്ന് വെളറടയിലേക്ക് പോകാനായി കയറിയ ബസിലായിരുന്നു സംഭവം.
ടിക്കറ്റ് വാങ്ങിയശേഷം ഗൂഗിള്പേവഴി 18 രൂപ അയച്ചു. എന്നാല് സെര്വര് തകരാറുകാരണം പണംകണ്ടക്ടര്ക്ക് കിട്ടിയില്ല. വെള്ളറടയിലെത്തിയ ശേഷം ബസ് സ്റ്റാന്ഡില് കാത്തുനില്ക്കുന്ന ഭര്ത്താവ് ടിക്കറ്റിന്റെ പണംനല്കുമെന്ന് അറിയിച്ചെങ്കിലും കണ്ടക്ടര് വിസമ്മതിച്ചു. തുടര്ന്ന്തോലടി ജംഗ്ഷനു സമീപം യുവതിയെ ഇറക്കിവിടുകയായിരുന്നു. തുടര്ന്ന് ദിവ്യ ഭര്ത്താവിനെ വിവരം അറിയിച്ചശേഷം രണ്ടു കിലോമീറ്ററോളം നിലമാമൂട് വരെ നടന്നു. അപ്പോഴാണ് ഭര്ത്താവ് എത്തി ദിവ്യയെ ബൈക്കി ല്കൂട്ടിക്കൊണ്ടു പോയത്. കണ്ടക്ടര്ക്കെത്തിരെ നിയമ നടപടികള് സ്വീകരിക്കണമെന്ന് ആവശ്യപ്പെട്ട് ദിവ്യ കെഎസ്ആര്ടിസി ഉന്നത അധികൃതര്ക്ക് പരാതി നല്കുകയായി രുന്നു. മറ്റ് യാത്രികരുടെ മുന്നില്വച്ച് ആക്ഷേപിക്കുകയും ആക്രോശിച്ചുകൊണ്ട് ഇരുട്ടത്ത് ഇറക്കിവിട്ടുവെന്നുമാണ് യുവതി പരാതിപ്പെട്ടത്. അതേസമയം,യുവതി ബസില് കയറിയിട്ടില്ലെന്നും സംഭവം നടന്നിട്ടില്ലെന്നുമാണ് കണ്ടക്ടര് അനില് കുമാര് പറയുന്നത്. കളിയിക്കാവിള വെള്ളറട റൂട്ടിലാണ് ബസ് സര്വീസ് നടത്തുന്നത്. സംഭവദിവസം ബസ് കൂനമ്പനയിലേയ്ക്ക് പോയിട്ടില്ലെന്നും കണ്ടക്ടര് പറയുന്നു.
