ജിം കഴിഞ്ഞ് എത്തിയാൽ കഴിക്കാൻ ഉഗ്രൻ പ്രോട്ടീൻ സാലഡ് ഇതാ

ജിം കഴിഞ്ഞ് വീട്ടിലെത്തിയാൽ കഴിക്കാവുന്ന ഉഗ്രൻ പ്രോട്ടീൻ സാലഡ് എങ്ങനെ തയാറാക്കാമെന്ന് അറിയാം. പ്രോട്ടീന്റെ നല്ല ഉറവിടമായ ചേരുവകൾ ചേർത്ത് തയാറാക്കുന്ന ഒരു സാലഡ് ആണ്, ഇതില്‍ പ്രധാനമായും പയർവർഗ്ഗങ്ങൾ, പരിപ്പ്, പനീർ, ടോഫു, ക്വിനോവ, ചിക്കന്‍ തുടങ്ങിയവയിൽ ഏതെങ്കിലും ചേർക്കാവുന്നതാണ്. പ്രോട്ടീൻ സാലഡുകൾ ആരോഗ്യകരവും വിശപ്പു മാറ്റാൻ സഹായിക്കുന്നതുമാണ്.

ആവശ്യമായ സാധനങ്ങൾ

വേവിച്ച കടല – ½ കപ്പ്

അല്ലെങ്കിൽ ഗ്രിൽ ചെയ്ത ചിക്കൻ – 1 കപ്പ്

അല്ലെങ്കിൽ പനീർ – ½ കപ്പ് (ചെറുതായി മുറിച്ചത്) ഇതിൽ ഇഷ്ടമുള്ളത് തിരഞ്ഞെടുക്കാം. പ്രോട്ടീൻ നിറഞ്ഞ സാലഡാണ്.

പച്ചക്കറികൾ:

കുക്കുബര്‍ – ½ കപ്പ് (ചെറുതായി അരിഞ്ഞത്)

തക്കാളി – ½ കപ്പ് (അരിഞ്ഞത്)

കാരറ്റ് – ¼ കപ്പ് (തുരന്നത്)

ക്യാപ്സിക്കം / ബെൽ പെപ്പർ – ¼ കപ്പ്

ലെറ്റ്യൂസ്

1 ടേബിൾസ്പൂൺ ഒലീവ് ഓയിൽ

1 ടേബിൾസ്പൂൺ പംപ്കിൻ സീഡ്സ് അല്ലെങ്കിൽ കശുവണ്ടി / ബദാം

ഡ്രസ്സിങ്

1 ടേബിൾസ്പൂൺ തൈര്

1 ടീസ്പൂൺ നാരങ്ങാനീര്

ഉപ്പും കുരുമുളകും ആവശ്യത്തിന്

ചില്ലി ഫ്ലേക്സ് അല്ലെങ്കിൽ ഓറിഗാനോ

തയാറാക്കുന്ന വിധം

1. പച്ചക്കറികളും ചിക്കനാണെങ്കിൽ ചിക്കനും ചേർത്ത് ഒരുമിച്ച് ഒരു ബൗളിൽ ഇടുക.

2. ഒലീവ് ഓയിൽ, നാരങ്ങാനീർ, തൈര്, ഉപ്പ്, മസാല എന്നിവ ചേർത്ത് ഒരു ഡ്രസ്സിങ് തയാറാക്കുക.

3. ആ ഡ്രസ്സിങ് സാലഡിൽ ചേർത്ത് നന്നായി യോജിപ്പിക്കാം.

4. മുകളിൽ സീഡ്സ് അല്ലെങ്കിൽ നട്സ് വിതറി വിളമ്പുക. ഈസി സാലഡ് റെഡി.

ഗുണങ്ങൾ

പേശികളുടെ പുനർനിർമാണത്തിന് ആവശ്യമായ ഉയർന്ന പ്രോട്ടീൻ ഈ സാലഡിൽ അടങ്ങിയിട്ടുണ്ട്. ഇതിൽ ഫൈബറും വിറ്റാമിനുകളും സമൃദ്ധമാണ്.